E k’o nik’aj chik e Ajk’ayin awan kunab’alil xechapatajik

363

Eri komonchak pa wokajil kumal ri q’atb’altzij rech ri Ministerio rech Gobernación, ri rech Uwokajil Ajchajil Tinamit (PNC) xuquje’ rumal ri Ministerio Público, xekowinik xkiraqo jun q’inomal pwaq dólares, pa le 1ra calle ruk’ 5ta avenida rech ri  zona 1, rech San Miguel Petapa, xuquje’ e k’o winaq xkichap chi rij ri awan kunab’al kik’amom b’ik pa ch’ich’ ri’.

Xb’antaj kowinem k’o xechapatajik xuquje’ k’o xraqatajik rumal k’o xya’w loq ub’ixik ri’, rumal ri’ eri eqa’lenelab’ rech ri PNC kuk’ ri q’atol tzij rech ri wokajil ajq’atel rech upoq’saxik pwaq maj pa usaqil ri’, xkiterenb’ej jun ch’ich’ camión marca KIA MOTORS, eri uplaka rech kab’inisaxik P305BNX, chi’ pa le k’olib’em xb’itaj wi, ri b’insam b’ik rumal ri Herman Federico Martínez Santa María, 45 ujunab’, ri xchapataj chi’.

Eri pwaq ri’ awan chi rij ri ch’ich’ camion ri’ le xraqatajik maltyox xk’ut rumal ri eqa’lenel tz’I’ ub’I’ Rambo, ri are jun pa le tzukunem ri’.

Eri xraqataj ri’ are rumal le komonchak rumal ri Ministerio rech Gobernación ruk’ ri Ministerio Público, pa le q’atenik chi ke ri e ajk’ayin awan kunab’al ri’, are wari’ le nab’e nim q’atenik xb’an chi ke ri molaj b’anol k’ax ri’ e ajq’axal rech ri awan kunab’al ruk’ ri pwaq pa we amaq’ ri’.

Eri nim xraqatajik ri’ are ri’ ri xraqik pa le Zarco Retalhuleu xuquje’ pa la Democracia, Chinab’jul, pa taq le 23 ruk’ 24 q’ij rech ik’ julio pa we junab’ ri’, are chi’ xb’antaj kowinem xraqik 2 mil 119 kilos rech cocaína.

Eri rajilab’alil xya’ ub’ixik rumal ri taqawokajnem ya’olchajinik pa amaq’ ri’ xub’ij che pa we junab’ ri’ k’o chik 8 mil 377 kilos rech cocaína raqom, eri rajil ri’ are ri’ Q 5,529,129.59 millones rech dólares ri’.

Are jun pa komonchak ya’olchajinem tzukunik ri’ ri URO’ Viceministerio rech Antinarcóticos rech ri Mingob.

COMPARTIR