Ruk’ jun nimalaj ki’kotemalil, b’ixonem, cholb’inik xuquje’ ruk’ k’utb’al le kena’w che ub’anik ri e ajchajil tinamit ri’, eri eqa’lenelab’ rech taq ri Uq’ab’ Uwokajil ri Ajchajil Tinamit (PNC) ri’, xkib’an jun nim k’utb’al chi rij le ub’anikil kichak kipatan kakib’an ri’, are xkik’utu chuwach ri Ministro kuk’ ri Viceciministros rech Gobernación, kuk’ ri q’atb’altzij rech ri PNC xuquje’ ri kuk’ ri e ajwab’ k’amal b’e rech taq tinamit pa uwachulew ri’, pa le uq’ijol le UB’ELEJLAJUJ ujunab’ xutz’aqatisaj ri’.

Pa kiwokajil ri Halcones, ri Difapront, ri Lobos Grill, ri GAR, ri Bicitour, ri Diprona, ri FIAAT, ri FEP, ri Comando antisecuestro, ri DIDAE ri SGAIA xuquje’ ri e ajtijoxel rech ri PNC, xkiya’ pa k’utik ri loq’ ub’anikil xketa’maj rech kakikoj pa le kichak kipatan ri’ pa le ya’olchajinik chi ke winaqil ri’, chi ke awajil xuquje’ che ri k’ache’laj juntir ri’.

Eri Francisco Rivas, taqawokajnel rech ri Ya’olchajinik pa Amaq’, sib’alaj xki’kotik ruk’ kichak kipatan le e ajchajil tinamit rumal ri’ xki’kotirsaj kuwach le e eqa’lenelab’ rumal le chak patan kib’anom pa le junab’ xok’ow kanoq ri’.

 “Eri no’jchakub’al ya’tal chi ke ri e ajchajin tinamit are nimalaj  tob’anaq pa le q’atenik b’anoj k’ax pa we amaq’ tinamit ri’, are b’a’ xa’rumal che ri ronojel choq’ab’il ya’om chi ke ronojel q’ij pa le ya’olchajinik chi ke le tinamit winaqil ri’”, xcha’ le Rivas.

Eri Juan Francisco Catalán, subdirector rech ri Tijob’al rech ri PNC, xub’ij che are wa’ ki’kitsab’al kilik ri molaj e ajsak’ajil ri kakik’utu le utzalaj taq kib’anikil pa le ya’olchajinik tinamit winaqil ri’.

Eri wokajil e ajya’lchajinik chi ke ajpatanelab’ ri’, are ri DIPRONA, ri DISETUR xuquje’ ri DIDAE ri’

 “Eri k’amow uq’ab’ilal ri’ are retal che are wa’ jun sipanem xjachik ri kuloq’oj kichak patan le ajchajin tinamit, xa’rumal kiya’om kib’ pa k’ax rumal kachajixik le tinamit winaqil kojpa’ le uchajixik ri kache’laj kuk’ ri awajil ri’”.

Eri k’amal b’e rech ri PNC, Nery Ramos, xub’ij che pa le b’elejlajuj junab’ uk’aslemam chik ri wokajil ajchajil tinamit ri’, are uya’om jikomal chi ke le winaq tinamit ri’, pa le uya’ik le joremal ri’.

Eri qas kipatanil ri LOBOS, ri GAR xuquje’ ri DIPAFRONT ri’

“We junab’ chik ok’owinaq are upatanim kumal ri e ajchajin tinamit rech xkitijoj kib’ xuquje’ rech xkib’an jun nim q’atenik chi ke ri e ajk’ayin awan kunab’al ri’ qas pa le ub’anikil ub’eyal ri’ xuquje’ pa le b’anow tzukunik chi rij ri’” xcha’ ri Ramos.

Are k’ut xtoq’anik chi ke ri eqa’lenelab’ rech kakiya’ ta le ub’anik kichak kipatan ri’, “eri sik’inem ri’ are ronojel q’ij utz ub’anik kab’an chi ke rech kakiya’ kan le utzalaj b’anow kichak ri’ pa le uwokik jikomal pa tinamit ri’ xuquje’ je ri’ ronojel q’ij pa le qachak qapatan ri’ ri uj aj ajchajin tinamit ri’”.

Eri jumulaj e Q’ATINEL KELEQ’AXIK WINAQ ri’, e are ri FEP xuquje’ ri FIAAT

Swiffy Output
COMPARTIR