Eri Universidad Rafael Landívar kuya’ tijob’enik rech maestrías chi ke taq ri eqa’lenelab’ rech ri PNC

223

E 70 eqa’lenelab’ rech ri Wokajil Ajchajil Tinamit (PNC) ke’ok pa kiwokajil pa le 2017 – 2018 rech kakitijoj kib’ che maestrías pa le Ya’oltijob’enik rech Reta’malil Chomb’al ri’ rech ri Universidad Rafael Landívar, are kuwach rech katerenb’exik rech kakitijoj kib’ pa le Wokajil Ajchajil Tinamit ri’.

Eri Ministro rech Gobernación, Francisco Rivas Lara, xub’ij are uwach ri’ le chak patan ri’ xk’amatajik rech pa le kakitijoj kib’ ri PNC ri’ xuquje’ we jun b’anow tijob’enik ri’ are rech b’a’ pa komon ub’anikil ri’ chi kuwach taq ri Comisión rech Reforma Policial, ri K’amow ub’e ri Wokajil Ajchajil Tinamit ri’ xuquje’ ruk’ ri Universidad Landívar.

“We jun b’anow tijob’enik ri’ are kab’antaj kowinem kaya’tajik rumal are xjuch’ uwach ri’ chi kuwach ri Ministerio rech Gobernación ruk’ ri Universidad Landívar k’a pa le 2012 ri’, are wari’ jun ub’eyal komonchak ri’ ruk’ ri nimatijob’al ri’ ruk’ ri taqawokaj pa amaq’ ri’”, xcha’ ri Luis Andrés Padilla, K’amal b’e Rajawtzij rech ri Q’atb’altzij Ub’anikil Tijonem rech Reta’mab’alil B’anow Chomab’al ri’.

Eri Nimatijob’al Landívar ri’ oxib’ uwach ub’anikil tijob’enik rech maestrías kub’an ri’: ri rech Chomab’al Tinamit ri’, ri rech Ub’anikil Ub’eyal Ch’ob’ow Tijob’enik ri’ xuquje’ ri rech Ub’anikil Chomab’al Ilob’al Q’alajisab’al ri’, pa le tijob’en ib’ ri’ ketatb’en wi ri eqa’lenelab’ rech ri Unidades Especiales rech PNC, ri kecha’ ri’ jacha’ ri keta’m chik ruk’ ri kekowin che uchakuxik ri’.

Eri Ministro xuya’ ub’ixik che we jun tijob’en ib’ ri’ are kasach chi rij ri’ jun Q. 1 millón 500 mil  xuquje’ xuya’ ub’ixik che we jun k’amow uq’ab’il chak ri’ kuk’ ri q’atb’altzij rech ri PNC, rech katerenb’ex utaqik ri chakub’al rajawaxik kakojik pa le upatanixik we jun tijob’en ib’ ri’.

Xuquje’ k’o jun nim pixb’anem xya’ chi ke ri Comisarios, Subcomisarios kuk’ ri Taqanel ri’ che ri ketatb’en pa taq le maestrías rech kakecheb’ej ri eta’amanem ri’ xuquje’ rech kakiwa’lijsaj kanima’ rech kakiterenb’ej kechakunik ri’, rech kakiya’ kanima’ pa le ya’olchajinik chi ke ri winaq tinamit ri’.

Eri Comisionada Presidencial Adela Camacho, xuk’am uq’ab’il ri tob’anik xuya’ ri Rivas Lara ri’ pa le uterenb’exik we jun chakunem ri’, che ri tajin ke’utijoj ri wokajil ajchajil tinami kuk’ ri e utzalaj taq achijab’ xuquje’ ixoqib’ pa we amaq’ ri’.

Pa le ujaqik uwach ri okem b’anow tijob’enik ri’ xtatb’en wi ri Viceministro Antinarcótico, Oscar Dávila xuquje’ ri Stu Velásco, ri Ukab’ K’amal b’e rech ri Wokajil B’anow Tzukunik chi kij ri b’anol taq k’ax kekamisanik ri’ xuquje’ ri Yan Yanin López, K’amal b’e rech Post Grados rech ri Wokajil Eta’mab’alil ri’.

COMPARTIR