Eri winaqil tinamit rech Villa Nueva ya’talil chi ke rech kakilo ri ub’anikil ri k’ak’ japache’ kayak chi’

231

Eri Ministro rech Gobernación, Francisco Rivas Lara xuya’ utzijol chi ke ri q’axal taq tzijolinik, aretaq xel loq pa le Molinem Taqawokaj rech Kak’iyemal Winaqilal ri’, che kojom chik ri ub’anikil ya’ltzijolinem ri’ xuquje’ katajin chik b’anow chomanik kuk’ ri k’amal b’e rech Villa Nueva, rech ya’b’al utzijoxik ri cholchak rech kayakik ri jun japache’ kech ixoqib’ ri k’o taq kal chi’, chuxe’ jun k’ak’ b’anikil kayak ri’ ri japache’ chi’ xuquje’ tajin kta chi ke ri winaq chi’ ke’ok b’a’ pa jun b’anow chakunem ri katajin chi’.

 “Ri kuwaj kinb’ij chi ke ri winaqil tinamit villanovano ri’ kinkub’isaj ub’ixik che we jun cholchak kab’an chi’ man k’ot b’anow k’ax kuya’ chiwe, xuquje’ eri qachak patan uj are rech kaqaya’o ya’olchajinik chi ke konojel ri winaqil pa juyub’ tinamit ri’ are uq’ab’ qachak patan qak’amom uq’ab’il kuk’ ri winaq tinamit pa Iximulew ri’ xuquje’ ruk’ ri Wokajil Japache’ ri’”, xcha’ ri Ministro.

K’o chik ja rech kununib’al winaq ri’

Eri Rivas Lara xub’ij che k’o chik ja rech kununib’al winaq pa le Japache’ rech ri zona 18, eri ja rech kununib’al winaq ri’ are junam ruk’ ri k’o Pavoncito xuquje’ are katajin uchomaxik rech kakojik pa taq nik’aj chik japache’ ri’.

Chi rij ri kiq’axaxik ri e ajpache’ pa taq ja rech kekunaxik e yowab’ ri’ eri taqawokajnel rech ya’olchajinik pa amaq’ ri’ xub’ij che are wa’ jun chik uwach chomanik ri’ le man k’ot pa saqil uch’ob’ik ri’ rumal e k’o winaq tz’apilik ri k’o k’ax yab’il chi ke, rumal ri’ tajin kek’am na pa ja kununib’al yowab’ ri’ ri e k’o wi e ajkun chi ke rech kekunaxik eri e yowab’ ri’ man kekunutaj ta pa taq le ja kununib’al k’o pa japache’ ri’.

 “Rumal ri’ k’o jun wujil juch’um uwach rech chomanik ruk’ ri Ministra rech Salud are rech b’a’ kuya’ pa saq ri kekunax wi yowab’ pa taq ja rech kunanem ri’ rech keqelesaj xa’ e kat’araj chik e ajpache’ chi’”, xcha’.

COMPARTIR