Eri winaqil rech ri Búcaro tajin ketob’anik kuk’ ri PNC rech usaqab’saxik ri kik’olib’emal chi’

269

Are wa’ ub’anikil uwach ri cholchak ya’olchajinik ri’ ub’i’ Fenix, eri eqa’lenelab’ rech ri Wokajil Ajchajil Tinamit (PNC), pa komonb’al kuk’ ri winaqil rech ri Búcaro, zona 12 rech Villa Nueva, xkisaqab’isaj rij taq le ja k’olib’al tz’ilim kanoq kumal nik’aj b’anol k’ax chi’.

Eri winaqil e aj chi’, xkib’ij che are wari’ k’o nim upatanil chi’ xa’rumal xok usaqab’saxik ri ja kesam kanoq nab’e nik’aj b’anol k’ax chi ke ri e ajchoq’e ri’, xa’rumal xuya’ ub’ixik che ri alaj taq ak’alab’ man xe’al ta chik che etz’anem xa’rumal k’o nim xib’al ib’ xk’ulmataj chi’, rumal ri’ xkimol kib’ ri PNC chi’, rech xkikunaj rij taq ri ja k’olib’al tz’ib’im kanoq rij kumal nik’aj molaj b’anol k’ax ri’.

Eri oficial primero Luis Enrique Ixcamparic, xuya’ ub’ixik che are ri jun uwach taqim chi’ are kemol konojel ri winaqil e jaqal chi’ kuk’ ri e ajchajin tinamit rech kakib’an jun utzalaj chak pa komonb’al pa le q’atenik b’anow k’ax ri’.

“Eri nab’e taqim uchakuxikr i’ are kesax pa k’ax ri juyub’ ja kachoch ri winaqil chi’, rumal ri’ xb’an uchakuxik pa Ukab’ Villa Lobos  xuquje’ pa le Ukab’ ri’, pa Mezquital, ri Isla xuquje’ pa le Búcaro; are rech b’a’ kaya’taj jun loq’ ub’ixik rech q’atel b’anow k’ax pa le komon kijaqib’al winaq chi’”, xcha’ ri Ixcamparic.

E resaxik ri ja k’olib’em pa kiq’ab’ nik’aj b’anol k’ax chi’ are sib’alaj k’o nim kupatanij ri’ xa’rumal k’ut k’o nim k’axk’olil xkib’an chi ke ri winaqil chi’ rumal ri’ we kamik kasuk’umaxik rech man chik b’anow k’ax kab’an tane’ chik chi’.

COMPARTIR