Eri winaqil kuk’ ri q’atb’altzij rech Villa Canales xkichomaj rech uq’atexik ri b’anow k’ax chi’

122

Pa urox q’ij ri’ xb’an ri Ya’ltzijol rech ri Ub’eyal Chomanem pa Tinamit rech Uq’atexik b’anow k’ax ri’, ri k’amom ub’e rumal ri Urox Viceministerio pa reqale’nib’al ri Viceministro Axel Romero.

Pa le komon b’anow chomanik, b’anom pa Villa Canales, xetzijon chi rij ri’ xuquje’ xkiya’ ub’ixik jujun taq b’anow uwach chomanik che ri taqanel rech ri Ministerio Público, ri Q’atol tzij ri’, ri Ajkalte rech Tinamit, ri eqa’lenelab’ rech ri Wokajil Ajchajil Tinamit, ri Ajchajinelab’ rech Q’atb’altzij, ri uwinaqil ri Wokajil rech Q’atel k’ax pa Tinamit rech ri UPCV, ri ajno’jinel rech ri Urox vicedespacho Max Marroquín, ri wokajil e ajpoq’sal pwaqil meb’il, xuquje’ ri winaqil rech ri komon winaqilal ri’.

Eri ajkalte rech Villa Canales, Julio Marroquín, xumaltyoxij che ri Ministerio rech Gobernación, rumal xucha ri uq’ab’tinamit ri’ rech xutaq ukojik ri q’atel b’anow k’ax chi’ ri tajin kuya’ nimalaj k’axk’olil chi ke ri winaq tinamit chi’.

 “Chi’ k’ut eri b’anol k’ax ri’ sib’alaj xek’iyar chi’, rumal ri’ eri q’atb’altzij chi’ qakojom ronojel qachuq’ab’ rech uq’atexik we b’anow k’ax chi’ ri k’i k’axk’olil ub’anom chi ke ri winaq chi’, rumal ri’ ajkisukub’im chi kuwach ri’”, xcha’ ri Ajkalte ri’.

Eri Fiscal rech ri MP, Jonhy Mejía, sib’alaj xuya’ ub’ixik che eri utaqim ri k’uttijonem ri’ are ri ya’ol ub’ixik ri’, rech pa kajikomaxik xuquje’ rech kakojik pa komonb’al ri Chomab’al Tinamit rech ri Q’atel b’anow k’ax ri’.

Eri Max Marroquín Ajno’jinel rech ri Urox Vicedespacho pa uk’exel ri Viceministro rech Q’atenik k’ax, xumaltyoxij chi ke ri ajno’jinelab’ rech ri b’anow Chomab’al ri’ xuquje’ xkub’isaj ub’ixik che ruk’ umajik ukojik ri utak’alib’al chomanik ri’ are rech b’a’ k’o nim uchomaxik pa komon ri’ kuk’ ri wokajil e ajpoq’sal pwaqil meb’il ri’, je ri’ ruk’ ri komon tinamit pa uwachulew ri’ xuquje’ kuk’ nik’aj winaqixel rech taq wokajil pa le uwokik xuquje’ uwa’lijsaj pa taq le juyub’ tinamit ri jamalib’alil ri’ rech kuya’o utzalaj upatanixik ri utzwachil kech ri winaqil ri’, rech ri tijonem xuquje’ rech ri ukojik we q’atel k’ax ri k’o ropanb’alil naj ri’.

Swiffy Output
COMPARTIR