K’o pa solixik uwach ri ya’olb’ixik pa q’atb’altzij chi rij ya’olchajinik pa aeroportuaria

185

Rumal k’o jun sik’inem xkb’an pa Congreso rech pa Amaq’il kumal ri diputados rech ri bancada UCN eri Ministro rech Gobernación, Francisco Rivas lara xopan chi’ rech xuya’ ub’ixik ucholajil ri ya’olchajinik pa aeroportuaria chi rij eri taqawokajnel ri’ xuya’ ub’ixik che katajin uterenb’exik ri ya’ltob’anik chi ke ri winaq e aj iximulew ri’ xuquje’ chi ke ri winaq kipetik naj ke’ok chi’ pa we amaq’ ri’ xuquje’ xuya’ ub’ixik che katajin ri ya’olchajinik pa taq k’ulb’a’t juyub’ pa we amaq’ ri’.

Chi rij ri ximontzij katajin uya’ik kumal ri winaq pa q’atb’altzij ri’ kumal jujun taq winaq chi rij b’anowtzij ri’ rumal ri’ k’o jun nim b’anow tzukunik xmajtaj chi rij ri’ pa le Dirección General rech Migración (DGM) chi rij wari’ xuya’ ub’ixik che katajin b’anow tzukunik chi rij ri’ rumal ri Ministerio Público chi rij wari’ sib’alaj katajin che ya’oltob’anik chi rij ri’, xcha’ ri Ministro.

Aretaq xta che jas che eri ajchak b’anomtzij chi kij ri’ maja’ na esam b’ik ri’ chi rij ri’ xuya’ ub’ixik che are chomanik xmajtaj loq chi kij ri’ pa le 2016, chi’ k’u ri’ k’o pa saq ri’ ri ximonemtzij chi rij ri’ rech k’o q’atb’altzij chi kij xuquje’ are wari’ k’o katajin chik kiximik pa jun ub’ixikil chi rij ri’ pa le Oficina rech Responsabilidades rech ri (DGM) xuquje’ are qeye’m kak’is ri chomanik chi kij ri’.

Xub’ij chik “Eri ilonb’al chi kij pa q’atow chakunem ri’ are kachomataj uwach ri’ pa jun komon chomanel chi rij ri’ ri juch’um uwach chi kuwach ri ajtoq’inelab’ ruk’ ri DGM ri’ rech kaya’tajik ketaq cha jun q’atol tzij rech kechomaxik ri’”.

Eri Rivas Lara, xujito che k’o jun q’ijol we ik’ ri’ kachomax wari’ ri toq’im chik uwach kachomaxik kumal ri nik’aj diputados, ri kachomataj na pa jun chik riqb’al ib’, xuquje’ xub’ij eri chomanik kumal ri ajchomanelab’ ri’ are jun chik uwach wach ri’ xuquje’ are ri’ kaya’ uchuq’ab’ na pa taq le q’ij petinaq xuquje’ kab’an na ri’ ronojel uchomaxik kuk’am  chi rij ri’, te k’u ri’ kaya’ pa ya’talil ri jun b’anow chomanik ri’.

Eri ukaj chik uwach chomanik ri’ are chi rij ri e k’amel wiri’ ri winaq e ajb’inisaxel ri’ rech kachomaxik jas kb’an chi ke we ke’ok wene’ man ke’ok loq pa we amaq’ ri’ rumal ri’ eri Ministro xuya’ ub’ixik che are wari’ kab’an na uch’ob’ik uchomaxik rech ri’ rech te k’u ri’ kasuk’umaxik chik ri ub’antajil ri ja, ri rikilem, ri ch’a’wb’alil xuquje’ rech nik’aj chik ya’b’al nimanem ri’.

Tajin xk’iyir kuwach ri PDH chi rij ri’

Eri Rivas Lara xrechb’ej rech xuta chi ke ri q’atb’altzij rech ri Procuraduría rech ri Derechos Humanos rech kak’oji pa ilonem ri’ pa keb’ uwach q’ij ri’ xa’rumal k’o nim kupatanij keraqataj chi’ chi rij uya’ik pa saqil ri nimab’al uwach ri ya’talil chi ke ri winaqilal ri’ xuquje’ rech kakichupisaj uwach k’ax chi’.

Eri wujilal rech Pasaportes

Eri Taqawokajnel rech Ya’olchajinik pa Amaq’ xk’amataj ri nab’e wujq’axb’al pa amaq’il ri’ pa we junab’ ri’ xuquje’ pa k’isb’al rech ri jun chik ik’ kya’taj na che ri ukab’ uwach chik, ruk’ wa’ uk’amik ri nab’e taq tanaj wujil ri’ are kopan pa retalil ri’.

Xtz’apixik ri tijob’al rumal jun b’anow k’aqanik ri’

Chi rij ri’ ri oxib’ xekam chuwach rachoch jun tijob’al pa Santa Rosa xuquje’ chi rij man k’ot chik tijonem xya’taj chi’ eri Ministro xub’ij “Ri in weta’mim utzijol ri’ che ri winaq xekam chi’ are xa’rumal b’anow ch’ojinik ri’ rumal kitijom tzam xkib’an ri ch’oj aretaq xekamik, we tinamit ri’ are man k’ot nima k’ax kab’an chi’, rumal k’ut qeta’m che xaq k’a te’et kak’umataj jumul chik jewa’ chi’ rumal ri’ kakoj ri programa rech Escuelas Seguras chi’ are ri’ katajin uchomaxik kakoj chi’ xuquje’ are qachomam chik kaqakojo pa reqale’nib’al uchak patan ri Sub Dirección rech Prevención rech Delito rumal ri’ PNC” ri’.

Xub’ij chik che k’o 125 chi tijob’al pa ronojel amaq’ tinamit ri rajawaxik kakoj ya’olchajinik chi ke pa komonchak kuk’ ri q’atb’altzij rech ri Ministerio rech Tijonem, ruk’ ri k’amow b’e rech taq tijob’al xuquje’ kuk’ ri molaj ajtijonelab’ rech pa jujun taq tijob’al ri’ rech q’atenik k’ax chi kij ri taq ak’alab’ e ajtijoxela’ chi’.

COMPARTIR