Eri Viceministerio Antinarcótico katob’anik pa le uwokik uwach jun k’ak’ Chomab’al pa Tinamit rech Uq’atexik Awan Kunb’alil ri’

418

Eri Viceministro Antinarcótico, Oscar Dávila xtatb’enik pa le k’isb’al riqb’al ib’ pa we junab’ ri’ rumal ri Komon Chomanelab’ rech uq’atexik awan kunb’alil rumal ri SECATTID ri’, ri k’amatil ub’e rumal ri Ukab’ K’amal b’e Amaq’, Jafeth Cabrera ri’.

Pa le riqb’al ib’ ri’ xb’an jun nim ch’ob’ow chi rij ri tzukunem ya’olchajinik b’anom pa le junab’ 2016 ri’ xuquje’ chi rij ri ub’anikil ri Chomab’al pa Tinamit rech q’atenik ri awan kunb’alil ri maj pa usaqil ri’.

Eri Viceministro Dávila xuya’ ub’ixik che ri Ministerio rech Gobernación eri SECATTID ri’ are katob’anik rech kawok uwach ri ch’ob’ow chak ri’ xuquje’ are xki’kotirsax uwach ri uchak patan ub’anom pa we junab’ ri’ ruk’ jub’ik pwaqil rech tojb’al chak xukoj ri’.

Eri qas cholupam chomanik xub’an ri’ k’o ri’ ri chakunem xb’anik rech xwok uwach ri jun k’ak’ Chomab’al pa Tinamit ri’ rech Awan Kunb’alil ri’, ri are kajach uwach ri’ pa le junab’ 2017, are ub’anikil ri qas utz ilom ri’ pa we amaq’ Iximulew ri’ ri rajawaxik b’a’ k’o jun uchomaxik kab’anik pa le q’atenik b’anow k’ax ri’, xuquje’ pa usuk’umaxik ub’anikil taq ri awan kunb’alil ri’.

Eri Viceministro Dávila xutzijoj che are wa’ kaya’ jun nim tob’anik chi rij ri rajawaxik pa le jun b’anow Chomanik ri’, ri are kuk’am pa ub’anikil ri’ ri ub’eyalil rech kuk’exo uwach ri ya’olchajinik tzukunem chi rij taq ri awan kunb’alil ri’.

Pane’ b’a’ xa’ jub’ij ri wa’katem uwach che ri awan kunb’alil pa we amaq’ ri’, are wari’ ri tajin katijik kumal ri alab’om alitom ri’, rumal ri’ rajawaxik kachomaxik uq’atexik ri’, xa’rumal eri jun k’axk’olil pa we amaq’ ri’ xuquje’ e are k’ut ri ajchomanel rech ri SECATTID ri ke’ilow rech uq’atexik rech man tijel ta ri’ chi’.

Ri awan kunb’alil raqom chik ri’

Eri raqom chik are kuya’o jun nim kub’sib’al k’u’x che ri Ministro rech Gobernación Francisco Rivas Lara xuquje’ ri Viceministro Dávila rumal k’ut k’o k’iyalaj awan kunb’alil raqom chik pa taq le nimatinamit ri’ ruk’ kiq’atexik ri e ajk’ayin awan kunb’alil ri’ rumal ri’ raqom chik 12 mil 427 kilos rech cocaína xuquje’ ruk’  $. 8.5 millones, junam ri’ kub’ij che ri raqom chik are k’o pa le 68% man junam ta ri’ kojpa’ ri xraqataj pa le junab’ 2015 ri’.