Eri Viceministerio rech Q’atel k’ax sib’alaj k’o kuchakuj na kuk’ ri ixoqib’ ri kiraqom k’ax ri’

399

Eri Viceministerio rech Q’atel k’ax, Axel Romero xmolin kuk’ ri k’amal b’e rech taq kiwokajil ixoqib’ ri’ rech pa le b’anow uchomaxik uya’ik uchuq’ab’il ri Riqb’al kib’ pa le Centro rech Apoyo integral chi ke taq ixoqib’ e k’asal na ri kiraqom k’ax ri’, CAIMUS.

Eri Viceministro Romero xub’ij che are wa’ ri nab’e molin ib’ chomanik xb’an kuk’ ri k’amal b’e ri CAIMUS, rech b’a’ kataqixik uchomaxik ri ya’b’al pwaqil rech tojb’al chak ri’ rech Q. 20 millones ri kaya’taj ri’ chi ke rech suk’umab’al ri’.

“Eri uno’jixik ri’ are rech kawok jun molaj chak patan ri rech kuchomaj uwach ri ya’b’al pwaqil rech tojb’al chak pa ub’anikil saqilem ri’ xuquje’ rech pa komonb’al ub’anikil kuk’ ri ixoqib’ keto’ik, are rech b’a’ qas chi ke ri ixoqib’ kiraqom k’ax ri’ xuquje’ ri keraqataj pa nim numik wi’jal ri’, ri k’o rajawaxik ri’ rech kechomaxik xuquje’ rech uq’atexik b’anow k’ax chi ke ri ixoqib’ ri’”, xcha’ ri Romero.

Eri CAIMUS b’antaj jo’lajuj junab’ katajin chik pa uchak patan ri’, ya’talil che k’i uwach taq chokonsab’al ri’ pa le ya’b’al tz’aqatil ilonem chomanik chi ke ri ixiqob’ ri’ kiraqom k’ax, rumal ri’ are ya’talil usuk’umaxik kichomab’alil, kino’jb’alil, ya’b’al kunamem chi  ke, e ta’m ri rumal q’atb’altzij, xuquje’ k’o pwaqil ya’tal ri’ chi ke rech kekowinik kakitzuq kib’ pa taq kachoch kuk’ ri kachalalil ri’.

Are rech ya’tal ri tob’anik ri’ chi ke k’o ri’ jun pwaqil rech tob’al kech kajuch’ uwach pa le ik’ enero ri’, rech man katanab’ ta uwach ri uchak patan ri CAIMUS ri’.