Eri Viceministerio rech Tecnología kuno’jinik kuk’ ri ajno’jb’anel coreano pa le ciberseguridad ri’

190

Eri Viceministro rech Tecnología rech Q’axaltzijolil xuquje’ Tzijob’enik ri’, Walter Girón xe’uk’ul panoq jun loq’molaj ajpatan rech ri Cooperación Internacional rech Corea -KOICA-, ri ruk’ ri Cholb’al chak rech Ajno’jinelab’ pa uwachulew ri’, pa komonchak ketatb’enik pa jun nimachomanik chi rij ciberseguridad pa taq oxib’ ik’ ri’ katob’an kuk’ ri ukaj Viceministerio ri’.

Eri Viceministro Girón, xuya’ ub’ixik che ri chakunem ri’ are xta uwach rumal ri ya’olchajinem pa uwachwuj pa kemamtzij pa we amaq’ ri’, ri kano’jixik uwach ri’ rumal jun ajno’jinel coreano pa le ya’olchajinik pa uwachwuj pa kemamtzij ri’.

 “Are wa’ jun nimloq’ob’al rilik eri Agencia rech nimatob’anik rech Corea, KOICA, pa le uchak upatan ri programa Amigo del Mundo, kuk’am k’ut pa le utzalaj chomanik ri’ ri Iximulew, rech kuya’ loq nimtob’anik ri’ rumal ri ajno’jinel achi ub’i’ Jae Hoon Kim, ri k’o loq’ uk’amik kab’an panoq che pa le Ministerio rech Gobernación ri’”, xcha’ ri Girón.

Eri Viceministro Girón xutzijoj che ri Ministerio rech Gobernación we kamik ri’ taji kuchakuj uwach ri nim taq cholb’al chak rech no’jb’anemalil ri’ jacha’ tane’ ruk’ jun kojb’al rech ri jun Taqanik rech uq’atexik b’anow k’ax pa uwachwuj pa kemamtzij ri’, eri xkojik ri’ ri Ub’eyal Ya’olchajinik rech Ciberseguridad pa Tinamit ri’ xuquje’ ruk’ ukojik ri jun b’anow chak rech pa aninaqil uq’atexik b’anow k’ax pa uwachwuj pa kemamtzij ri’ are ri’ kuya’ na ilonem chomanik pa ronojel taq ri uq’ab’ taqawokajil pa we amaq’ ri’.

Are wari’ el nimaq’ taq cholchak che ri kano’jin wi le ajno’jinel Coreano, Jae Hoon Kim, ri kuya’ nimtob’anem che, xuquje’ rech ke’utijoj jun molaj atijoxela’ e aj iximulew ri’ che ri pa keqale’nib’al kak’oji wi ri ya’ol ub’ixik ilob’al k’ax pa uwachwuj pa kemamtzij ri’.

Eri K’amal b’e rech KOICA ri k’o pa Iximulew, Taekkeun Lee, xub’ij che ri cholb’al chak rech ri ajno’jinelab’ rech Corea Amigos del Mundo e are xkimaj loq pa le junab’ 2009 xuquje’ we kamik ri’ e k’o e 15 ajno’jinelab’ pa konoel ri’ ri e are kakino’jij uwach taq ri taqawokajil pa we amaq’ ri’, xuquje’ rech kya’ ub’ixik che ri uchak upatan ri loq’ achi ri’ Hoon Kim, are k’ut ri are kuya’ ri tijonem uk’aslemam ri’ pa le Corea xuquje’ rech kilik kakoj ri ub’anikil chi’ pa Iximulew ri’.

COMPARTIR