Eri Viceministerio rech No’jb’anem tajin che k’uttijonem chi rij Ciberamenazas

151

Eri Ukaj Viceministerio rech No’jb’anem rech ya’b’al tzijolil xuquje’ rech tzijob’enik ruk’ utob’anik ri CISCO xya’ ri k’uttijob’enik  ub’i’ ¿Jas uch’ob’ik uq’atexik ri ciberamenazas pa Iximulew ri’?, are k’uttijonem chi ke rajchak ri uq’ab’ ri Ministerio rech Gobernación xuquje’ chi ke kajchak ri nik’aj chik Taqawokajilal pa Amaq’ Nimatinamit ri’.

Eri k’ut k’uttijonem ri’ are xya’taj utzijob’exik chi rij ri’: Ropanb’alil pa juntir wi ri ya’olchajini rech ri Taqawokajil pa Amaq’ Nimatinamit ri’, b’anow ya’b’al tob’anik chi rij ri yakon ja ri k’itk’itim uwach pa we amaq’ ri’, ri q’axal tzijol tzijob’enik xuquje’ ri sak’ajil b’anow tzukunem ya’olchajinik chi rij rech kaq’atexik ri ciberamenazas ruk’ ciberseguridad ri’.

Eri Luis Fernando Ruiz, ajno’jinel rech ri Vice despacho k’o pa uk’exel ri Viceministro Walter Girón, xuya’ ub’ixik che we k’uttijonem ri’ are tajin uya’ik ruk’ utob’anik ri CISCO, are k’amal b’e che ciberseguridad ri’, rech uya’ik chi ke taq ri wokajil tatb’enelab’ pa le ub’eyal ub’anikil b’anow chak pa le uq’atexik ri ciberamenazas ri’.

Eri Mauricio Rodríguez, k’amal b’e taqanel reh ri ya’olchajinik pa le uwokajil Cisco, ri are xuya’ ub’ixik che ri taqim upatanixik rumal we jun nim k’uttijonem ri’ are rech kuya’o jun nim tob’anik che ri taqawokajil rech Amaq’ Iximulew ri’, ri juntir uk’aslemam uwach chik pa le ya’olchajinik rech ciberseguridad ri’ xuquje’ rech kuya’o nim tob’anik pa le b’anow uwokik uwach ri ub’eyal ya’olchajinik ri’.

Rumal ri eri Luis Antonio Vargas, ajilonel chi rij  cholupam rech pa le uwachwujil  rech CISCO, xutzijoj che are nim upatan keta’maxik uwach taq ri ya’olchajinik pa le komon riqb’alil ri’ xuquje’ ri utzilem kuya’ pa we amaq’ rech katerenb’ex ri yab’al k’uttijonem ri’.

 “Ronojel taq ri q’axnem chomanik kaya’ chi rij le Cyberseguridad ri’, kuya’o uchuq’ab’ ri nuk’chomanem pa tinamit xuquje kuya’o nim uq’ijol kub’sib’al k’u’x pa taq le taqawokajil pa amaq’ ri’ xuquje’ kupaqab’isaj kub’sib’al uwach ri taqawokaj pa amaq’ ri’ pa uwachulew ri’ rech kuk’am loq nim kojb’al taq pwaqil pa le poq’isan meb’ilem ri’”, xcha’ ri Vargas.

Pa le riqb’al ib’ rech jaqib’al ri k’uttijonem ri’ xtatb’enik ri Viceministro Administrativo Mario Álvarez ri xuya’o ub’ixik che we jun k’uttijonem ri’ are k’o nim upatan ri’ xa’rumal kojpa’ kak’iy uwach upetik ri cibernéticas ri’ xuquje’ are rajawaxik kakojik k’iyalaj taq chakub’al rech uq’atexik ri b’anow k’ax ri’ rech kata’ rij uwach ri amaq’ nimatinamit ri’.

Eri Viceministro rech Tecnología kub’an wa’ uwach taq k’uttijob’enik ri’ chi ke pa kiwokajil rajchak ri taqawokajil ri’ ruk’ ri rech ri e ajpoq’sal chak meb’ilem ri’, kuch’ob’ k’ut che are wa’ uwach ri utaqanik pa le uchak patan ri’ rech te k’u ri’ kakowinik kuya’o ri k’isb’al taq ropanb’alil ya’olchajinik pa le uwokajil ri ciberseguridad ri’ xuquje’ ri rech pa uwokajil ri no’jb’anem ri’.

Swiffy Output
COMPARTIR