Ruk’ b’a’ jun ropanik pa taq le jachakunb’al rech Yab’al Unimal Tob’anik chi ke Ixoqib’ e K’as na ri b’anom k’ax chi ke (Caimu) pa Chimaltenango, rumal ri viceministro rech q’atenik b’anoj k’ax rech ri Ministerio rech Gobernación, Axel Romero, ruk’ wa’ xkub’isaj ub’ixik che ya’talil tob’anik pa komon winaqil ri’ pa le katijoxik chi rij q’atenik b’anoj k’ax pa taq le achochib’alil ri’.

K’o jun k’utb’al xb’an chi kij ri chak b’anom kumal ri ajno’jchakunel, eri Paola García, k’amal b’e rech ri wokaj winaqil ri’, xuya’ ub’ixik che k’a pa le 2011 tajin kechakun ruk’ ri Mingob’, ri tajin kito’ik kumal ri e ajno’jchakunel ri k’o keta’mab’alil rech Psicología, rech kechakunik kuk’ taq winaqilal xuquje’ kuk’ e ajtob’anelab’ ri’.

Rumal ri’ eri Romero xub’ij eri katajin utzijob’exik ri’ are rech k’o jun k’amoj ib’ chi kuwach ri wokaj winaqilal ri’ quk’ uj, rech kujtob’anik kuk’ ruk’ ri ajchak ri’ rech kakiya’o ilonem chi ke ri ixoqib’ e k’aslik b’anom k’ax chi ke ri’”, xcha’.

 “Kujtajin che reyexik komon tob’anik ruk’ ri Mingob’ quk’ uj, ri qaya’om chik jun ub’ixik chi ke, chi rij taq ri b’anoj k’ax ri’, rumal ri’ qilom chik che ri e ajmak ri’ xechap ri’” xcha’ ri García.

Pa le q’axal yab’al ilonem chi ke ri ixoqib’, ri alab’om alitom xuquje’ ri taq ali ri kiraqom k’ax yoq’onik pa taq kichoch ri’. E pa we junab’ ri’ eri Caimy uya’om chik nim tob’anik chi ke e 185 chi ixoqib’ ri’.

Xuquje’ are ri jun wokajil winaqil ri tajin kuya’ tob’anik ruk’ jun utzalaj ilob’al ri’ ri katzijon chi rij ri k’ax b’anom chi ke ri ixiqoqib’ ri’. Are jun k’olib’em yab’al ilob’al ri ke’opan wi ri ixoqib’ ri tajin kakitij k’ax xuquje’ ri tajin b’anoj k’ax chi ke chi’ k’u ri’ kakiraq wi tob’anik chi ke chi’, rech ketzijob’exik xuquje’ rech keno’jixik chi rij uq’atenik ri b’anoj k’ax ri’ xuquje’ rech kekowinik kakitijoj kib’ xuquje’ rech k’o tijob’enik chi ke ri alab’om alitom kuk’ ri ixoqib’ ri’.

 

COMPARTIR