Eri Viceministra xuya’ kub’sib’al k’u’x ruk’ ki’kotemal ri’ pa le usaqil reqa’lenib’al ri’

113

“Kojchakun b’a’ ruk’ kub’sib’al k’u’x ruk’ ri ki’kotemal”, pa le utzij xuya’ pa k’ulb’al rech ri’ che k’ak’ viceministra administrativa, Vilma Del Rosario Xicará, ri xya’ pa k’utik rumal ri Taqawokajnel rech Ya’olchajinik pa Amaq’, chi kuwach taq ri k’amal b’e rech taq jalajoj taq wokajilal rech ri Uk’u’x Jachakunb’alil rech ri Ministerio rech Gobernación ri’.

Xub’ij chik che pa le upatan uchakunib’al eri ruchi’ ja chi’ jaqatil ri’ chinaq karaj kopan pa ch’ab’enik chi’ are rech katatb’exik rumal ri Viceministra ri’, “Ronojel k’o pa usaqil uchomaxik ri’”.

Xuquje’ xub’ij chik che ri chakunem ri’ are taqim ri’ rech katob’anik che ri uchak patan ri Ministro, Francisco Rivas Lara, rech uya’ik jun utzalaj ya’olchajinik chi ke konojel ri winaqil e aj iximulew ri’.

Rumal ri’ eri Ministro ri’ aretaq xuya’ pa k’utik ri na taqawokajnel ri’ xub’ij “Are wa’ ri achalalil che ri uk’ kixchakun wi ronojel taq q’ij ri’ xuquje’ e are k’ut ri kechakun ronojel taq uwach cholchak ri’ xuquje’ ri kachoman rech ri tajin upatanixik pa le Utaqanib’al ri’ xa’rumal are k’ut ri rajaw tzij che ri ya’olchajinik chi ke ri winaqil e aj iximulew ri’”.

Chi ke taq ri k’amal b’e xuquje’ ri e taqanelab’ ri’, eri Mnistro, xuta chi ke che konojel b’a’ ketob’an ruk’ ri Viceministra xuquje’ chetzijon b’a chi kuwach ri’ chi rij taq ri chak kab’an ri’ xuquje’ ri are ajkub’sib’al k’u’x ri’.

“Ix iweta’m qas juntir ri karaj kub’ij ri jun nim eqa’lenem ri chomab’al rech b’anow taqanik pa amaq’ ri’ ri k’amatil ub’e rumal ri Nimak’amal b’e ri’ xuquje’ rech ri nupatan ri’, pa le ub’anikil ri qachak patan ruk’ ronojel pa usaqilal, pa ujikomal, pa usuk’alil xuquje’ pa usaqilem ri’”.

COMPARTIR