Eri Viceministro Antinarcótico xuta jun toq’ob’ chi kaj chi rij ri Iximulew

176

Eri kojonel rech ri Misión cristiana Palabra viva k’o jun ta’b’al toq’ob’ xkita chi kaj chi rij ri Nimatinamit Iximulew kachib’il ri patanelab’ pa taqawokaj ri’. Eri El  Viceministro Antinarcótico rech ri Ministerio rech Gobernación, Oscar Dávila, te k’u ri’ xuya’ utzijob’exik chi kuwach ri kojonelab’ ri upatanim chik pa le uchak patan ri’.

 “Kintajin k’ut che ukojik nim chuq’ab’ pa le kanimaxik ri winaq tinamit ri’ pa le resaxik uchupik uwach ri tiko’nib’al rech amapola xuquje’ kinya’ ub’ixik che k’o nik’aj chik ub’eyal kinwesaj wi ri pwaqil rech tojb’al chak ri k’o pa usaqilal ri’”, xcha’.

Chi’ k’ut xuya’ wi nim ub’ixik ri resaxik tiko’nib’al ichak rech amapola pa k’iyalaj taq juyub’ tinamit pa we amaq’ ri’, are ujuto’m ri línea antinarcótica 1577, chupam k’ut tajin xya’ wi loq ub’ixik pa awalik kumal ri winaq tinamit juntir ri maj pa usaqil xkilo ri’.

Sib’alaj xuya’ ub’ixik eri ub’ixik loq kumal ri winaqilal are k’o nim upatanim ri’ rumal k’u ri’ k’o tzukunik xb’an k’ut chi rij ri’ xuquje’ e k’o winaqil xechap ri’ kab’ixik e ajb’anol k’ax ri’.

Además dentro de la información proporcionada por el funcionario fue que trabaja porcombatir el narcotráfico.

Xuquje’ pa le ya’ltzijol xya’ ub’ixik rumal ri taqawokajnel ri’ are rech xkojik pa le kiq’atexik ri e ajk’ayin awan kumb’alil ri’.

“Kujtajin che chakunik ri’ rech kaqachajik uwach ri k’ulb’a’t juyub’ pa amaq’ ri’ kuk’ ri wokajil e ajchajil re tinamit ri’ rech kakiya’ ta kanoq ri b’anow chajinik ri’”, xcha’ Dávila.

Xuquje’ eri viceministro Dávila xuya’ ub’ixik che katajin uchakuxik rech kakojik jun nim k’olib’alil rech kik’atisaxik ri awan kunab’al ri’ pa rulewal juyub’ tinamit ri’. Ruk’ kitob’anik nimatinamit rech pa uwachulew ri’ kak’atisax ri awan kunab’al ri’.

Eri konojelab’ xkib’ij loq che sib’alaj ki’kotem tajin kakilo che ri taqawokajnel ri’ tajin kakiya’ loq ub’ixik ri chak ruk’ cholchak ketajin che utoq’ixik kachakux uwach ri’.

Are wa’ utzijol ri raqom ri’

Eri Dávila, xuya’ ub’ixik che k’o utz uwachinik utzijol uya’om pa Iximulew ri’, jun k’utb’al rech are rech pa le junab’ 1,999 are chi’ xraqaik ri 9 mil upajb’alil cocaína.

Pa le 2016 chik, xok’ow b’a’ ri raqom chik are ri’ 10 mil 172 upajb’alil cocaína ri xraq ri’.

Eri marihuana resam chik pa le 2,016 xqupix ri’ 2 millones 250 mil 543 raqan awan ichak ri’.

Xuquje’ k’o 1 mil 716.85 upajb’alil marihuana xraqataj ri’.

Pa le 2016 xraqataj ri’ 141.43 upajb’alil rech heroína xuquje’ pa junab’ir kanoq are xraqaik 83.40 ri’.

Xuquje’ eri pwaq b’otolik xraqatajik xuquje’ xesax pa kiq’ab’ ri e ajk’ayin awan kumb’alil ri’ are ri’ $6 millones 962 mil 769 dolares pa ronojel ri’

 

Swiffy Output
COMPARTIR