Eri Ukab’ Taqawokajnel rech Kq’atenik b’anoj k’ax xk’oji pa chomanik ruk’ ri CONADUR

309

Eri Ukab’ Taqawokajnel rech Kq’atenik b’anoj k’ax ri’, Axel Romero xk’oji pa uk’exel ri Taqawokajnel rech Taqawokaj Ya’olchajinik, pa le Urox Riqb’al ib’ Chomanik rech ri Consejo Nacional rech Desarrollo Urbano y Rural (CONADUR).

Pa le chomanem ri’ ri xk’am ub’e rumal le Nima K’amal b’e Amaq’il Jimmy Morales, e are jun xek’oji chi’ ri kinimal q’atb’altzij rech ri Taqawokaj Taqanik pa Amaq’ xuquje’ ri k’amal b’e rech taq ri Q’atb’altzij xuquje’ ri Consejo rech Desarrollo, eri molinik ri’ are xutaqij uchomaxik uterenb’exik kib’antajil ri ch’ob’otal chak ri’ che ri katajin upatanixik pa we junab’ ri’ xuquje’ are rech kab’an jun solwachinem ch’ob’onik chi rij ri ub’eyal rech uterenb’exik ri Utaqib’al rech ri K’iyemal kuyak rib’ ri’.

Eri Nima K’amal b’e Morales pa le ub’anikil Woksolinel rech ri CONADUR, xumaltyoxij b’a’ ri tob’anik ya’talil kumal konojel ri wokajil chomanelab’ ri’ xuquje’ xkub’isaj uk’u’x ub’ixik che ri reqale’nib’al ri’ are kuk’ ri winaq tinamit e aj iximulew ri’ pa le uwokik ri chomanen pa tinamit pa le ub’antajil ri k’iyemalil pa tinamit xuquje’ pa taq le juyub’ jaqib’al ri’.

Pa le molinem chomanik kumal chi’ k’ut xkita ri’ rech kawokik jun komon chomanelab’ ri e are jun chupam ri k’amal b’e rech ri Nimatijob’al rech San Carlos rech Iximulew ri’ are rech e are jun kakisolij ri Taqanik rech kakoj rumal ri Consejos rech Desarrollo, ri Taqanib’al rech Jachom uwach b’anoj taqanik ri’ xuquje’ rech kakisolij ri Uwujil rech Retab’al B’anoj Q’atb’altzij ri’, ri are wa’ sib’alaj rajawaxik rech ke’uyak le winaqil tinamit rech ketotab’enik pa taq le ch’ob’otal chak kuya’ utzilem pa amaq’ tinamit ri’.

Xuquje’ xuya’ ub’ixik che ri ch’ob’otal kojb’al chak ri’ pa le junab’ 2017 rumal ri Consejos rech Desarrollo Departamental CODEDE, are nab’e na kakitoq’ij le chomanik chi rij uchokonsb’alil ri ja’ ruk’ ri saqilb’anik ri’, ruk’ ri b’anoj tijonem, ri utzwachil xuquje’ ri yab’al ilonik chi ke ri winaqilal ri’.

COMPARTIR