Eri Viceministro rech Q’atel k’ax tajin ke’uwa’lijsaj ri alab’om alitom rech ke’ok che e ajpatan k’amal b’e ri’

256

Eri kuqatij uwach kuwa’lijsaxik  ri’ are rech eri ajtijoxel ke’ok che e ajpatan k’amal b’e ri’ xuquje’ rech ketob’anik pa le q’atel k’ax pa taq le tijob’alil ri’, rumal ri’ eri urox viceministro rech Gobernación, Axel Romero, xmolin kuk’ ri alab’om alitom e ajpatan k’amal b’e rech ri komon ajtijoxel pa tijob’al rech tijob’en ib’ ub’i’ Fe y Alegría ri’.

Pa le molin ib’ eri ajtijoxel ri’ xkiya’ ub’ixik chi rij k’amow ib’ ri’, ri patan k’amal b’e xuquje’ rech q’atel k’ax pa taq tijob’al, rech b’a’ kuwa’lijsaxik uk’amik ri no’jk’aslemal ri’ are rech keq’atexik kakimin kib’ pa b’anoj k’ax ri e ajtijoxel ri’ xuquje’ chi rij ri’ xe’upixb’axik rumal ri Viceministro rech man kakib’an ta je ri’.

 “Are rajawaxik b’a’ katoq’ixik uwa’lijsaxik utz ke’ok che ajpatan k’amal b’e ri alab’om alitom ri’ pa taq le ch’ob’otal chak ri’, rech kakiterenb’ej ub’inisaxik ri ub’eyal cholchak rech q’atel b’anow k’ax ri’, xuquje’ rech man k’ot k’ax ke’ok pa taq le patan k’amal ub’e ri ja’maril ri’ are rech b’a’ kakichakuj uwach kakipatanij uwach ri ch’olchak ri’, xuquje’ are rech kakiwa’lijsaj uwach jun b’inisanik ri  ch’ob’ow ri’ kuk’ ri q’atb’altzij ri’”, xcha’.

Eri Viceministro xuya’ ub’ixik che ri alab’om alitom ri’ e k’o pa le cholchal ub’i’ Convivimos, ri katajin upatanixik rumal ri Mercy Corps Guatemala ruk’ ri Ministerio rech Gobernación, ruk’ wa’ katajin rilik rech kawa’lijsaxik uchakuxik pa taq le komon winaqil ri’ xuquje’ are rech uya’ik uchuq’ab’ ri chomanik kumal ri winaq tinamit kuk’ ri q’atb’altzij ri’.

Swiffy Output
COMPARTIR