Ri Viceministro rech Tecnologías: xub’ij che katajin utak’ab’axik ri q’atenik k’ax cibercrimen

241

Pa le kitatb’enik pa le Nuk’chomanik ub’i’ ¿Jas ri katajin che uchomaxik ri Taqamaq’ rech Iximulew pa le uq’atexik ri b’anow k’ax cibercrimen ri’?, rumal ri’ eri viceministro rech Tecnologías, Walteer Girón, xuya’ ub’ixik rech reta’maxik ri pa le ukojik ri Nuk’chomab’al Tinamit chi rij we jun b’anow k’ax ri’, eri Ministerio rech Gobernación xub’ij che we kamik katajin k’ut ukojik ri ub’eyal q’atenik b’anow k’ax ri’ pa we amaq’.

“Kojtajin k’ut che ukojik qachuq’ab’, kojtajin k’ut che chakunik pa le b’anow ub’eyal Chomab’al Tinamit ri’ xuquje’ rech ketatb’en chupam ri oxib’ uq’ab’il ri Taqawokaj Taqanik pa Amaq’ ri’, ri e ajpoq’sal meb’il k’o ajchoq’e ri’ xuquje’ are wa’ ruk’ utob’anik ri Taqawokaj Taqanik rech Canadá xuquje’ España. Pa Iximulew ri’ man k’ot jun taqanik tan a rech kub’ij che ri cibercrimen xuquje’ eri kaqakojo che k’o nim upatan kak’utunsaxik rech kakojik ri’” xcha’.

Eri Girón xub’ij che are wa’ uwach ri chak katajin chi rij cholupamtzij ri’, are chomam chik che kepe na ri’ ajno’jinelab’ europeos xuquje’ ri rech ri Organización rech Estados Americanos (OEA), pa jun wuqq’ij ri’, are rech kepe che yaoltob’anik ri’ pa le taqanem rech kakojotaj ri’.

Eri viceministro xuya’ ub’ixik che komonchak kumal ri taqawokaj rech we amaq’ kuk’ ri rech amaq’ taj are ri’ rech kakiya’o uchuq’ab’ ri q’atenik b’anow k’ax rech ri cibercrimen ri’ pa we amaq’ ri’.

COMPARTIR