Rech b’a’ kakojik ri ya’talil kichak patan ri Ixoqib’ e ajk’ulajil rech kek’am pa le wokomchak kojom ri’ xuquje’ pa rilb’alil chomanik pa tinamit xuquje’ rech pa le q’atoj tzij taqanik, are ri’ ri xchomaxik pa le q’atoj tzij ri xtotab’in wi ri Taqawokajnel rech Ya’olchajinik pa Amaq’ ri’, eri Viceministro rech Ya’olchajinem, Ricardo Guzmán ri’.

Pa le nuk’chomantzij ri’ eri ixoqib’ e ajk’ulajil xek’owinik xkita kakojik jun kikomonb’al rech chomanem ri’, eri Guzmán, xujach k’ut chi kuwach tinamit ri wujilal are rajilab’al 106 – 2016 rech ri Wokajil Ajchajil Tinamit (PNC), ri e are taqom chi ke taq ri ukab’ taq k’amal b’e, chi ke ri ketaqon pa taq wokajil k’olib’al ri’, chi ke taq comisarías xuquje’ chi ke ri wokajil rech ri PNC, chupam k’ut taqom ub’ixik chi ke che pa we q’ij ri’ man kakita ta chik kicarnet kiwujil ri’ ri ixoqib’ e ajk’ulajil ri’.

 “Eri retalil uya’m chi ke rumal ri chak rech ajk’ulajil ri’ are xuk’iysaj uwach itzel taq no’j chi kij ri’, eri ch’ab’alil tzijol chi kij ri’ are sib’alaj xuk’am uchuq’ab’ ub’ixik jun itzelal ri’, xuquje’ eri nik’aj itzel tzij kab’ix chi ke ri ixoqib’ ri’ are itzelal uto’ik xuquje’ eri tzij put kab’ix chi ke are rech kutzilb’ej kuwach ri ixoqib’ kechakun che ajk’ulajil ri’” xcha’ ri Guzmán.

Eri uk’u’xal k’aslemal rech junam ke’ilik xuquje’ rech kexutux taj

Eri Ministerio rech Gobernación, tajin kuwok uwach choman tinamit ri’ pa le k’amom wi kiq’ab’il ri rech k’utyeb’al ruk’ ya’talil winaqil ri’ xuquje’ kojpa’ ri uk’u’xal k’aslemal rech junam ilob’al ib’ xuquje’ rech man k’ot xutub’al kech ri’ rech b’a’ kanimaxik ri tob’anik che ri choman tinamit pa le ya’olkub’sib’al chi ke taq winaqib’ xuquje’ ri winaqilal ri’, pa le q’atenik b’anoj k’ax ruk’ ri ya’talil chi ke winaqil ri’, xcha’.

Rumal k’u ri’ eri wujil rech yab’al ub’ixik ri’106 – 2016 rech ri PNC, are ri’ jun chokonsab’al ri kuya’ uk’aslemal uk’iyemal ri acuerdo gubernativo are rajilab’al 57 – 2012 ri’ eri kupatanij ri’ are kub’an utz che ri q’atenik b’anoj k’ax ri’ ri kuya’ nim tob’anik che ri ya’talil chi ke winaqil ri’, are ri’ ri kuq’atij b’anoj k’ax chi ke ri winaqil chik ri’, are kuya’ ub’ixik suk’umalil chi rij ri’, rech man k’ot chik b’anoj k’ax ruk’ itzelb’anik chi ke ri ixoqib’ ri’, rech b’a’ kanimaxik uwach ri kichak patan kakib’ano xuquje’ rech kukub’isaj uwach ri ya’talil chi ke ri’, xcha’ ri Guzmán Loyo.

Pa uk’isb’alil rech eri Viceministro xuya’ ub’ixi che ri Wujilal xtaq b’ik chi ke konojel taq ri Comisarías rech pa ronojel taq tinamit pa we Amaq’il Iximulew ri’ are rech konojel ri e ajchajil tinamit kaketa’maj ub’ixik jun taqanik chi ke ri’ rech kakinimaj uwach ri’.

COMPARTIR