Eri Viceministro Romero xk’oji pa le umajik upatan ri cholchak ri’ pa Chimaltenango

352

Eri Viceministro rech Q’atenik Mak B’anoj k’ax, Axel Romero xk’oji pa le umajik uchak patan ri cholchak pa tinamit rulewal ri’ ub’i’ “Tz’aqatil Ya’olchajinik xuquje’ q’atenik mak b’anoj k’ax ri qas kub’an k’ax chi ke ri taq ak’alab’, taq ala, taq ali xuquje’ ri k’ak’al winaq alab’om alitom pa taq le tinamit keraqataj pa komonb’al rech ri SICA, (PREVJUVE).

Eri cholchak PREVJUVE are kakoj ri’ pa taq ri juyub’ tinamit rech Chimaltenango xuquje’ ri ya’tal tob’anik xuquje’ pwaqil che rumal ri Agencia Española rech Cooperación Internacional (AECID) xuquje’ rumal ri Programa rech Naciones Unidas rech ri K’iyemalil ri’ (PNUD).

Pa le riqb’al ib’ ri’ xjuch’ uwach ri jun wujil rech ch’ob’oj chomanik chi kuwach ri q’atb’altzij rech ri Ministerio rech Gobernación, ri Secretaría rech Bienestar Social, ri Q’atb’altzij rech Chimaltenango, ri SICA xuquje’ ruk’ ri Cooperación Internacional PNUD xuquje’ AECID ri’, rech b’a’ kakub’sax uwach ri ch’olb’al chak rech ke’uq’atij ri alab’om alitom rech man ke’ok ta kuk’ ri molaj b’anoj k’ax ri’.

Eri viceministro Romero xuya’ ub’ixik che are katajin uwokik jun b’anikil cholchak rech yab’al ilonem chi ke ri alab’om alitom ri man k’ot kito’w kech ri’ xuquje’ rumal ri’ katajin uchomaxik nik’aj b’anejil rech yab’al tijob’enik chi ke, rech ya’talil kakikojo pa ronojel amaq’ ri’.

Eri cholchak ri’ are katajin upatanixik pa taq ri tinamit e k’o pa komonb’al rech ri SICA xuquje’ rech kujach’ pa kiq’ab’ jun ub’eyalil ub’anikil centroamericana rech ya’olchajinik kub’sib’al k’u’x pa taq rulewal ri’.

COMPARTIR