Eri Viceministro Romero k’o Wujil reh K’utb’al Ya’b’al Ilonem chi ke Winaq kiraqom k’ax

132

Eri Viceministro rech Q’atel B’anow K’ax, Axel Romero xjach pa uq’ab’ kumal ri k’amal b’e rech ri Asocación rech Q’atel K’ax xuquje’ rech Ya’b’al Ilonem che ri Tz’aqatil Ya’olchajinik rech Q’atb’altzij -APASIT-, eri Wujil rech Uk’utb’al ri Tz’aqatil Ya’b’al Ilonem chi ke winaq kiraqom k’ax, eri uwokik ri wujil ri’ are kutaqij ri uchapik kino’jb’al kichomab’al ri winaq tinamit pa le q’atenik raqon k’ax pa taq nimab’e ri’, xa’rumal are wa’ jun k’ax kak’ulmataj pa jujun taq uxukut rech pa kajtzajil b’e kumal ri ajb’insal ch’ich’ ri’.

We jun k’utb’al wujil ri’ are xb’an uwokik kumal e kajlajuj chi amaq’ nimatinamit chi’ k’u ri’ xaq xu’ wiri’ ketatb’enik keb’ Centroamericanos, rech Costa Rica xuquje’ ri rech Iximulew, u winaqil ri Federación Iberoamericana rech Asociaciones rech Winaqib’ Kiraqom K’axk’olil pa taq Nimab’e ri’ -FICVI-.

Eri Viceministro Romero xuya’ ub’ixik che sib’alaj kumaltyoxij xb’an jun nim k’utunem rech kajach ri wujil rech ub’eyal chakub’al rech ya’b’al uchuq’ab’ ri chomanik pa taqawokajil ri’ xuquje’ rumal are wa’ katob’anik pa le uq’axik chakunem chi rij ri Ya’ltzijolinem rech ri wujil rech Chomab’al Tinamit rech Q’atel K’ax ri’, pa le unimaxik ya’b’al ilonem chi ke ri winaq kakiraq k’ax pa taq nimab’e, xa’rumal k’ut are wa’ ri k’o pa ukab’ terenb’al raqow k’ax kikamik ri winaqil pa we amaq’ tinamit ri’ eri teren chik chi rij ri’ are ri b’anow taq kamisanem, ri rachib’al pa juntir ri’ are k’o pa jun 20% chi kamikal winaq ri’.

 “We wujil k’utb’al ri’ are jun loq’k’utb’anik rech tijob’al chuq’ab’ kakib’an na ri tinamit winaqil, ri taqawokaj xuquje’ ri q’atb’altzij chi’, are rech kakitaqij uq’atexik ri k’ulman k’ax pa taq nimab’e ri’”, xcha’.

Eri patanel ajtaqawojnel ri’ xub’ij we wujil ri’ k’o chupam k’i taq taqon b’anow chomanik ri katajin chik uchakuxik uwach ri’ xuquje’ kuya’ ri’ jujun taq ri oxqa’nixik ya’b’al pixb’anem rech rajawaxik kanimaxik, kojpa’ ri molin chomanik kuk’ taq ri Ministerios rech kub’an jun nim pixab’nik chi ke ri winaq tinamit xuquje’ rech kachomax uwach ri’ pa taq le taqawokajil chak patan ri’.

Eri Wujil rech k’amal b’anow tz’aqatil ya’b’al ilonem chi ke winaq kakiraq pa taq nimab’e ri’ are wa’ jun wujil ri k’o chupam ri uwach b’anow kab’anik pa raqon k’ax pa nimab’e, rech  ya’b’al nik’aj ilonem, rech yab’al ilonem chi ke ri winaq kakiraq k’ax, rech ya’b’al ub’ixik ub’eyal kojb’al tzij pa q’atb’altzij ri’ xuquje’ k’o jumulaj taq pixab’nik chupam rech chi ke ri taqawokajil xuquje’ chi ke taq winaq ri k’o kuwach pa le raqow k’ax ri’.

Eri Héctor Morales, k’amal b’e rech APASIT, pa le Asamblea General rech ri ONU, xkichomaj xkik’owisaj unimaq’ij ri urox q’ijol domingo rech jujun taq ik’ noviembre rech ya’b’al na’tinem chi ke ri winaq kiraqom k’ax pa taq nimab’e ri’, xuquje’ rech kab’an jun nim ch’ob’ow chi rij kumal taq amaq’ tinamit rech are jun pa le q’atenik raqow k’ax pa taq nimab’e ri’ rech man k’ot chi winaq kekam chik ri’.

Rumal ri’ eri Sharon Umaña, uk’exel taqanel rech ri epartamento de Tránsito rech ri Wokajil Ajchajil Tinamit, xujach k’ut che ri Viceministro Romero ri  pin ruk’ jun uplayera ri Urox Komonb’inem rech na’tib’al kech ri winaq xkiraq k’ax pa taq nimab’e ri’ are kak’ul uwach pa le 19 rech noviembre ri’ kab’an pa Antigua Guatemala.

Swiffy Output
COMPARTIR