Eri Viceministro Romero ki’kotem ruk’ ri chak rech q’atenik k’ax b’anom rumal RI UPCV

416

Eri Viceministro rech Q’atel k’ax ri’, Axel Romero, xmolin ruk’ ri Juan Orozco, k’amal b’e rech ri Unidad rech Q’atenik b’anow k’ax pa tinamit -UPCV- xuquje’ ruk’ ri’ molaj rajchakunelab’ pa le reta’maxik ri chakum chik uwach rumal taq ri cholchak b’anom pa le junab’ 2016 ri’.

Eri Viceministro Romero xub’ij che pa le molin ib’ xkowinik xuril uwach ri xchakuxik pa taq jujun wokajil chak patan ri’, pa jujun taq ri cholchak ri xchakuxik pa we junab’ ri’ xuquje’ rumal ri chomam chik kachakuxik pa le junab’ 2017, kojpa’ ri upajb’alil b’anom chi rij taq ri chakum ri’ che ri rajawaxik kasuk’umaxik xuquje’ kakub’isaxik unuk’ik pa saq uwach taq chak patan rech taq eqa’lenem ri’.

Pa le molin ib’ ri’ eri k’amal b’e rech ri Wokajil rech K’uttijonem, Solwachinem xuquje’ rech Tzukunem pa Komon Wiinaqilal Uq’atexik b’anow k’ax ri’, rech b’anow chomanik pa komonb’alil ri’, xuquje’ rech ri pa uwokajil Q’atenik k’ax ri’, rech Achk’ulaj ruk’ K’ib’anikil ri’, e are ri’ xkib’an jun k’utb’al rech ri jujun taq uwach wokajil ri’.

Eri Viceministro Romero xub’ij ki’kotem kurilo ri utz taq uwach ri xchakuxik ri’, pane’ eri jun junab’ xok’owik ri’ qas k’o k’axk’olil xuya’ pa le wokajil chak patan ri’.

“Are wa’ jun nim kowinem chak xb’antaj ri’ pa le UPCV, rumal ri chak xb’antaj ri’ rech ri keb’ junab’ kanoq, are wari’ jun nim chuq’ab’ xb’anik rech xyak uwach ri b’anow chakunem pa komonbalil ri’”, xcha’ ri Romero.

Eri nimachak xeb’an ri’ are jun chi ke ri b’anow tijonem chi ke e 22,325 chi winaqilal ri’ pa taq le jalajoj k’uttijonem rech q’atenik b’anow k’ax ri xya’taj kumal ri’ rajchak ri UPCV ri’, ruk’ ri b’anow 99 uwach b’anow ilonem pa taq tinamit xuquje’ pa taq komon k’olib’al ri’, xuquje’ eri lajuj chomanik xjuch’ uwach ri’ ruk’ taq ri e ajkalte’ib’ rech taq tinamit are xkojik rech b’anow ilob’al chomanik xuquje’ rech ketijoxik le ajchak ri’.

Eri Unidad de Género xuquje’ Multiculuralidad, xuya’o  k’i taq k’uttijonem rech Nim Eta’manik kumal ri’ e 4,552 achijab’ e ixoqib’ ri’ kipetib’alil e maya’, q’aqib’, xink ib’ xuquje’ kuk’ e musab’ winaq ri’.

Eri xchakux uwach pa taq ri Escuelas Seguras e k’o k’ut 64,710 chi alab’om alitom rech 135 chi Tijob’al ib’ xetijoxik xuquje’ pa taq le chomam chik kachakuxk pa le 2017 xuquje’ are keyexik ke’opan b’a’ e 142 Tijob’al kech ak’alab’ xuquje’ kech alab’om alitom ri’ rech ketijoxik, kech e ajtijonel xuquje’ chi ke ri kinan tat ri’.

Xuquje’ are rech kachakuxik pa taq waqib’ tinamit ri’: pa Iximulew, pa Zacapa, pa Jutiapa, pa Chimaltenango, pa Escuintla xuquje’ pa Sacatépequez, chi’ k’u ri’ kewok wi’ e 34 chi komon chomanelab’ rech taq alab’om alitom xuquje’ rech k’o e 23 chi cholchak rech q’atenik k’ax kakoj ri’.

Pa le Wokajil rech Nuk’wokaj Komon Winaqil are xchakux kumal e 286 chi Comisiones rech q’atel k’ax, pa lajuj taq Tinamit ri’, pa 159 q’atb’altzij ri’ xuquje’ pa 116 Komonb’al winaqil rech kopan ri’ pa 488 chi Komonchomanik ri’ pa le 2017 ri’.

Eri taqawokajnel xub’ij ri’ che are wari’ jun chak sib’alaj k’ax upatanixik xb’an ri’ rumal k’ut are wari’ xuwa’lijsaj uwach jun chak patan ri’ xuquje’ sib’alaj k’ax k’ut kich’ab’exik ri winaqilal pa le kichomaxik ri’ ri are karaj kamajtaj ri chak k’ut qas chuxe’ umajik ri’ chi’ k’u ri’ pa kinuk’wokajil ri winaqilal ri’ are xuyak k’ak’ uwach taq pa le 12 komonb’al rech chomanik pa taq tinamit ri’, pa taq 160 uq’ab’tinamit xuquje’ pa 120 chi komonb’al winaqilal ri’.

K’o ri kajach uwach pa taq le ik’ enero rech 2017, are 40 cholchak rech q’atel k’ax pa uq’ab’ taq tinamit xuquje’ pa taq komonb’al winaqil ri’ ri are wari’ karaqataj pa uk’isb’alil ri’.

COMPARTIR