Eri Viceministro Romero, xmolin kuk’ ri molajil kech Ixoqib’ ri’

230

Aretaq xk’is ri molin ib’ chomanik kuk’ ri nuk’wokajilal che ri e ajya’el ilonem pa taq ri ilob’alil chi ke ri ixoqib’, eri viceministro rech Q’atel k’ax ri’, Axel Romero, xuya’ ub’ixik che katajin umajik uwokik uwach jun komonchak rumal ri Ministerio rech Gobernación xuquje’ kuk’ we nik’aj nuk’wokajilal ri’, rech uya’ik jun utzalaj ilonem chi ke ri ixoqib’ e k’as na ri kiraqom ronojel uwach ub’anikil k’ax ri’.

Xub’ij chik eri qas uwach chomanik ri k’o nim upatan pa we riqb’al ib’ ri’ eri xchomax ri’ che pa ka’kab’ taq ik’ ri’ kab’an uterenb’exik ri b’anow chakunik ri k’amom uq’ab’il rumal ri Ministerio ri’ ruk’ ri Nuk’wokajilal kech Ixoqib’ ri’ xuquje’ eri jun chik molin ib’ are kab’an pa jo’lajuj taq q’ij ri’ chi’ k’u ri’ kachomax wi ub’antajil ri pwaqil chakub’al ri’, xuquje’ ri winaq e ajchak ri’, xuquje’ chi rij ri ub’anikil uterenb’exik ri b’anow le komonchak ri’ xuquje’ ri k’o pa ub’antajil pa le uchak upatan ri Coordinadora Nacional rech Q’atel k’ax pa taq achalalixel ri’ xuquje’ ri q’atel k’ax chi ke Ixoqib’ ri’ (Conaprevi) xuquje’ ri uk’amb’alil ri Centros rech Apoyo Integral rech taq Ixoqib’ e K’aslik kiraqom k’ax ri’ (Caimus) xuquje’ ri uchak patan ri Ministerio rech Gobernación ri ajtob’anelab’ pa le ya’b’al ilonem chomanik chi ke ixoqib’ ri’.

Eri Viceministro xuya’ ub’ixik ucholajil che ri k’amal taq b’e nuk’wokajilal ri’ are a kechomaxik ri’ xuquje’ e ajilel pa le keb’ uwach b’anow chomanik ri’ xuquje’ pa le ub’anikil b’anow chakunem ri’, rumal ri’ ya’tal ri’ uchuq’ab’ ri Unidad rech Género pa le Wokajil Q’atel B’anow K’ax pa Tinamit ri’, chi’ k’u ri’ kakoj wi ri cholb’al chak rech pwaqil tojb’al chak patan ri’ ri kuya’o jun ub’anikil pa uwokajil ri’ xuquje’ rech ya’b’al rech jun ixoq ajno’jinel rech ri uq’ab’ taqawokajnem ri’ ri kuchomaj ri’ ub’anikil upatanixik ri chomanik pa le uq’ab’ taqawokajnem ri’.

 “Eri karaj kuchomaj ri vicedespacho ri’ are kub’an jun chak patan rech pa juntir uwach pa saqilem ri’ xuquje’ rech kak’oji panoq naqaj chi ke ri komon winaqilal ri’ rech pa le uk’amik ronojel uwach taq b’anow solinem che ri katob’an pa le qachakunik ri’ xuquje’ ri katob’an pa le jun okem ri’ xuquje’ pa le suk’ q’axaltzijob’enik ri’ che ri qas are ri’ ri rajawaxik chaqe uj ri ajpatanelab’ ri’”, xcha’.

Pa Saqil xuquje’ suk’ tzijob’enik katajin chi rij ri’

Eri Yohana Lemus, uwinaq ri Molaj Ixoqib’ pa Iximulew ri’ xuquje’ ri Riqb’al ib’ pa Tinamit rech Caimus xuya’ ub’ixik k’ut che ri molin ib’ ri’ k’o nim upatan xb’antaj ri’, are jun chak xb’antaj umajik pa we junab’ ri’ ruk’ ronojel uchuq’ab’ xuquje’ ruk’ jun utzalaj b’anow choman cholchak ri kuchomaj ri rajawaxik pa le ub’eyal uchak patan ri Urox Viceministro ri’ rech kuterenb’ej ri chakunik ri’.

 “We jun nab’e molin ri’ chomanik ri’ are wa’ jun nimq’axnik che ri kukub’isaj uwach usuk’al tzijob’en ib’ pa saqilal ri’, xuquje’ ri katerenb’exik uchakuxik pa nim ropanb’alil ruk’ ri viceministro Romero xuquje’ ruik’ ri molaj tob’anelab’ achijab’ e ixoqib’ ri’ xuquje’ rech b’anow chomanik kuk’ taq ri k’amal  b’e rech uk’u’x taq wokajil rech juntir ketob’an wi rech Xe’laju’, rech Chiquimula, Petén, Chimaltenango xuquje’ rech ri Grupo Guatemalteco rech Ixoqib’ ri’ xuquje’ e k’o nik nuk’wokaj jacha’ ri k’o pa Cobán, Sacatepéquez xuquje’ San Juan ri uq’ab’ uk’u’x nimatinamit rech iximulew ri’ le xa’ k’o xqaj pa kib’e rumal ri’ man xepe ta chi’ pa le komonchak pa wokajil katajin uchomaxik rech pa we junab’ 2017” xcha’ ri Lemus.

 

COMPARTIR