Ri Viceministro Romero xopan che rilik ri ya’olchajinik rech q’atenik k’ax pa Salamá

294

Eri Viceministro rech Q’atel K’ax, Axel Romero k’o jun b’enam xub’an pa Salamá, Baja Verapaz rech xopan che rilik nikpa uwach ri ya’olchajinik b’anom chi’ pa le q’atenik k’ax pa tinamit ri’ xuquje’ rech xurilo ri chak patan b’anom rumal ri Comisiones Municipales rech Q’atel k’ax chi’ -COMUPRES-.

Pa le molin ib’ ri’ are jun ri Ajkalte rech Salamá xtatb’enik, Bayron Tejeda; ri k’amal b’e rech ri programa PREVENIR rech ri Cooperación Alemana FOSSIT- GIZ, kuk’ ri k’amal b’e chomanik rech ri Subdirección rech  Q’atel k’ax rech ri Wokajil Ajchajil Tinamit -PNC-.

Eri cholchak b’anom chik chi’ are ri’ le Programa Regional rech uq’atexik k’ax kumal taq ri k’ak’al winaq ri’ pa Centroamérica PREVENIR, ri katajin k’ut uchakuxik k’a pa le junab’ 2012, ri are taqatal chi ke taq ri alab’om alitom ri’ ri 12 pa 20 kijunab’ ri’, ri maj k’o kijastaq ri’ keraqataj pa taq ri meb’a’ilem pa Salamá ri’.

Eri Viceministro Romero xuya’ ub’ixik che ri taqim uwach kachomaxik pa le riqb’al ib’ ri’ are rech keta’maxik ri uchakum chik rumal ri proyecto PREVENIR pa taq le k’isb’al oxib’ junab’ ri’ xuquje’ rech kilik nikpa ri chak utzilem b’anom chik rumal ri Q’atb’altzij pa le uwokik xuquje’ ukojik ri q’atel k’ax pa le b’anow chomab’al pa tinamit ri’.

Rumal ri’ eri Ajkalte rech Salamá xuya’ ub’ixik che rij taq ri chakunik b’anom pa le q’atb’altzij ri’ pa le uk’iyemal uwach taq ri chak chi’ pa le q’atenik k’ax ri’.

Chi rij wari’ eri patanel ri’ xuya’ ub’ixik che ri Urox Viceministerio are ri’ le katajin che uk’amik ub’eyal uno’jixik ri chak rech k’iyemal cholchak ri’ xuquje’ ri kuya’o ub’anik pa komonb’al ri chakunik pa le Unidad rech Prevención Comunitaria rech k’ax ri’ -UPCV- xuquje’ ri Subdirección rech Prevención rech ri PNC, rech kakojik ri chak ri’, pa le qas kapatanixik ri’ xuquje’ pa taq le b’anow chomanik cholchak pa taq tinamit ri’ rech k’o tob’anik ruk’ ri kow b’anow chak pa taq le q’atb’altzij ri’.

COMPARTIR