Eri Viceministro Romero xopan pa solinik che ri Cholchak ub’i’ “Colectivo Los Patojos”

372

“Kojtajin che kasolixik ri cholchak ub’i’ Colectivo los Patojos rech kaqaya’ pa utzijoxik ri lajuj junab’ kok’owisax uq’ij ri’, eri cholchak ri’ are rech kuk’utu che sib’alaj utz ri ya’ol ilonem chi ke taq ri ak’alab’ pa le komonb’alil ri’ xuquje’ are wa’ jun b’anow tz’aqatil uwach ilonem ri’ xuquje’ rech q’atel b’anow k’ax pa taq juyub’ tinamit rech Jocotenango”, xcha’ ri Axel Romero, Viceministro rech Q’atel k’ax ri’.

Xub’ij ri’ che ri jun cholchak we kamik are e k’o 300 chi ak’alab’ chupam ri’ xuquje’ kuya’o tijonem chi ke, man tojom taj ke’utzuqu, ketijox che inglés, che no’jk’aslemalil xuquje’ che b’anom chomab’alil ri’.

 “Eri uj kaqachomaj che we jun ub’anikil ri’ are rech kab’an uch’ob’ik ri ya’b’al ilonem chi ke ri ak’alab’ ri’ pa taq nik’aj chik uq’ab’tinamit xuquje’ rech ko’ksax che jun tijob’al pa le komon winaqilal ri’, xuquje’ rech kachakux k’a chi’ ri’”.

K’o kub’sib’al k’olib’em chi ke ri ak’alab’ ri’

Eri Juan Pablo Romero Fuentes, ajkojol rech xuquje’ ajk’amal b’e rech ri Programa Los Patojos ri’, xuya’ ub’ixik che ri cholb’al chak ri’ k’o chik lajuj junab’ kojom ri’ pa le tinamit rech Jocotenango, are rech kuya’o kub’sib’al k’olib’em chi ke ri ak’alab’ pa taq ri wokja ri’ rumal ri b’anow k’ax sib’alaj kak’ulmataj chi’ xuquje’ are wari’ ke’uya’o pa k’ax ri’ xuquje’ are wa’ kamik ri’ sib’alaj k’ax uchomaxik ri’.

Eri ajkojol rech ri’ xuquje’ ri k’amal b’e rech ri Los Patojos ri’, xub’ij che we kamik ri’ e k’o 350 ajtatb’enel pa taq le keb’ uwach b’anow tijonem ri’, eri jun chi ke eri ak’alab’ ketijoxik k’o pa oxib’ pa waqlajuj kijunab’ ri’, are ketijoxik k’a pa le waqxaqib’ kajb’al rech saqarib’al k’a pa le oxib’ kajb’al rech qajib’al q’ij xuquje’ eri jun chik uwach are kamajtaj pa le oxib’ kajb’al rech qajib’al q’ij k’a pa le b’elejeb’ kajb’al rech chaq’ab’ ri’, eri ketijox pa we ri’ k’o pa waqlajuj k’a pa juwinaq jo’ob’ kijunab’ ri’ xuquje’ konojel k’ut ya’om kiwa rech kaqarik, k’o kalb’al k’ux’ ya’tal ri’, k’o kiwa rech kanak’ajir q’ij, k’o kiwa rech ko’kaq’ab’ ri’, k’o ilob’al kunanik ya’tal chi ke xuquje’ k’o ketijoxik chi rij taq uk’iyal uwch ri’, xuquje’ k’o uk’iyal kub’sib’al k’olib’em chi ke, rech sib’alaj e kow keqeb’ ri’ xuquje’ rech k’o utz ktizijol kakiya’o ri’ xuquje’ rech k’o jun nim upetib’alil kakib’an pa kikomonb’alil ri’.

COMPARTIR