Eri Viceministro rech Gobernación xe’opan pa le ujaqik ri Ropanb’al Xik’ach’ich’ pa Xe’laju’

184

Eri viceministros rech Antinarcoticos Oscar Davila xuquje’ ri financiero Mario Rene Alvarez, kachb’ilam ri nima k’amal b’e amaq’ Jimmy Morales rech xek’oji pa le jaqib’al rech ri ropanb’al xik’ach’ich’ pa “Los Altos” pa Xe’laju’ ri’, rech ya’talik ke’opan xik’ach’ich’ e rech pa tinamit ri’ kuk’ ri kepe naj ri’.

Eri viceministro Administrativo, Mario René Álvarez, xub’ij che we ri ropanb’al xik’ach’ich’ kak’oji ruk’ rachoch jachakunb’al rech Migración chi’.

“Eri jachakunb’alil ri’ are kupatanij rech kusolij kib’anikil taq ri winaq e ajq’axel chi’ xuquje’ chi’ kechajin wi’ ri q’atb’altzij rech ri Wokajil Ajchajil Tinamit ri’, katajin uchomaxik ri nikpa’ ajchajil rech kek’oji chi’”, xcha’.

Xuquje’ xub’an jun sik’inik chi ke ri winaqil e aj iximulew kuk’ ri winaq kepe naj rech chepetb’a’ pa Xe’laju’ ri’ chi’ k’ut k’o wi’ 20 chi k’olib’al b’inem wa’katem ri’.

Rumal ri’ eri Nima K’amal b’e Jimmy Morales, xub’ij chi utz b’a’ kurilo ri xb’antaj chi’ rech xsuk’umax ri ropanb’alil xik’ach’ich’ pa Xe’laju’ ri’.

 “Qeta’m k’ut che k’o nima’q rajawaxik b’a’ kachomaxik, kojpa’ ri rech utzwachil ruk’ ri rech tijonem ri’, ri rech ya’olchajinik, emu wa’ ri ropanb’al xik’ach’ich’ ri’ are rajawaxik sib’alaj kasuk’umax uwach pa taq ri tinamit ri’”, xcha’ ri Morales.

Eri ropanb’al xik’ach’ich’ are karaqataj pa le diagonal 10, 13-81 zona 6 Xe’laju’, eri Xe’laju’ ri’ are karaqataj pa 2 mil 660 metros pa uwi’ plow ri’.

Eri Aero Ruta Maya (ARM) are ri nab’e wokajilchak ke’uk’am b’ik ke’uk’am uloq winaq ri’, eri rajil ri wujil rech b’enam ri’ k’a pa Nimatinamit rech Iximulew rech kopan pa Xe’laju’ ri’ are 110 chi dólares katojik are junam ruk’ 829.40 chi pwaqil rech Iximulew ri’ are ri’ q’atom rumal ri Instituto Guatemalteco rech Turismo (Inguat).

Eri Jorge García, k’amal b’e rech ri Cámara rech Comercio rech Xe’laju’, xub’ij che sib’alaj utz kuna’o kurilo ruk’ ri tob’anem ya’om chi’ kumal ri q’atb’altzij pa jun ya’b’al rech jun utzilem chi ke ri e aj xe’laju’ ri’.

 “Rajawaxik b’a’ k’o k’i na cholchak rech kekoj chi’, xa’rumal are kutiq uwach ri k’iyemal chi’” xcha’.

Eri Cristian Salazar, k’amal b’e rech B’anow Uk’ay ri ARM ri’, xub’ij che we wokajil ri’ k’o waqxaqib’ uwach xik’ach’ich’ tajin kukoj chi’ xuquje’ xuta’o rech kukoj chi’ nik’aj chik uwach xik’ach’ich’ ri’. Eri xik’ach’ich’ rech k’amal taq winaq ri’ are kakimaj ri kichak pa q’ij lunes 12 rech septiembre.

Eri winaq e ajkojol rech ya’tal ri’ rech kakiloq’o wujil rech kepe pa Xe’laju’ ri’ pa taq ri agencias rech ri banco rech Crédito Hipotecario Nacional (CHN).

Eri uq’ajib’al ri xik’ach’ich’ chi’ are kapajanik juwinaq oxib’ upajb’al uwach xuquje’ k’o keb’, oxib’ kilómetros raqan kapajanik.

Che we kamik ri’ k’o oxib’ b’enam kakib’an ri xik’ach’ich’ ronojel q’ij k’a pa Nimatinamit Iximulew rech keb’ek pa Xe’laju’ ri’ xuquje’ je ri’ ketzalij chik pa kaqan ri’.

Xa’ jun kiwujil ri winaq kakikojo, eri e aj iximulew are kakikoji ri Kiwujil ub’i’ (DPI) eri winaq e aj waral taj are kakikojo ri kiwujq’axb’al ub’i’ pasaporte.

K’o keb’ nimq’inomal pwaq rech Iximulew xsach pa le ch’ob’otal chak ri’ xuquje’ are chomam ri’ kekoj e 80 winaq e ajchak chi’.

Swiffy Output
COMPARTIR