Eri UWAQXAQ Nimariqb’al pa komon tinamit pa uwachulew rech e ajno’jinelab’ rech japache’ xkikraq kib’ pa nab’e mul chi’ pa Iximulew

416

Pa martes ri’ xb’an le UWAQXAQ Nimriqb’al pa komon tinamit pa uwachulew rech e ajno’jinelab’ rech japache’ ri’, are rech kachomaxik rech kasuk’umaxik uwach ri Wokajil Japache’ pa Iximulew, ri ub’anom chik k’ax rumal ya’om kanoq rilik pa k’iyalaj junab’ chik, are kakikoj ri keta’mim kik’aslemam chik ub’anikil ri’ pa República Dominicana, pa nab’e mul ri’ katajin uchomaxik chi saq che ri amaq’ tinamit caribeño rech xk’am loq ri chomanik ri’ pa Iximulew.

Eri utaqim uwach rumal we jun loq’ chomanik ri’ are rech kab’an k’ak’ che ri b’anow taqanik pa wokajil japache’ ri’ rech ketzalix chi loq ri ajpache aretaq kisuk’umam chik ib’ ri’.

Ri Corinne Dedik, ajno’jinel pa le b’anow chomanik chi rij japache’ ri’ pa le Wokajil B’anow Tzukunemtzij Meb’ilem pa Tinamit (CIEN), xuya’ ub’ixik che pa Iximulew ri’ are ri Amaq’ Nimatinamit ri’ ri ajsik’inel kech ri ajtatb’enel pa le Nimariqb’al ib’ ri’, are wa’ nab’e mul ri’ kab’an wa’ ri chomanik naj che ri República Dominicana ri’.

 “Are wa’ jun jamalil ya’talik ri rajawaxik kechb’ex uwach ri’, xa’rumal chi’ k’u ri’ ketatb’en wi ri ajno’jinelab’ rech Costa Rica, rech Honduras, xuquje’ rech Suecia, ri rajawaxik kechb’ex uta’ik utotb’exik utzijolil ri kik’aslemal uwach pa le ub’anikil chomanik rech ri wokajil japache’ ri’ rech kasuk’ub’ax uwach pa Iximulew ri’, xa’rumal naj b’a’ chik ya’om kanoq rilik uwach ri’ xuquje’ are wa’ b’anom chik che kojpa’ tane’ jun xaq rech jun nim na’tib’al ri xek’umax wi e ajpache’ ri’”.

Rumal ri’ eri Dedik, kuraqxa’nij rech kakojik we jun k’ak’ ub’anikil pa le Uwokajil ri Japache’ ri’ rech b’a’ katerenb’ex usuk’umaxik ukojik ub’anikil kumal ri taqawokaj pa amaq’ chuwe’q kab’ij ri’ “we jun ch’ob’otal chak ri’ rajawaxik b’a’ ka’ok pa uq’ab’ ri taqawokajil pa amaq’ nimatinamit rech katerenb’ex ukojik kumal ri patanelab’ rech ri taqawokaj ri kepe na ri’, rech b’a’ je ri’ kanimarisax uwach rech ruk’ wa’ kaq’alajinik che jun k’exnik pa aninaqil ri’, xane’ utz we pa no’jimal katerenb’exik usuk’umaxik rech kuya’o che k’o jun utzalaj rilik kumal ri winaqilal ri’”.

Pa nimariqb’al ib’ ri’ kak’oji ri’ jun cholq’axib’al chi rij taq: ri ya’olchajinem xuquje’ ri jun ya’lkub’sib’al k’u’x ri’ ri kuya’ utzalaj ub’anikil ri ya’olchajinik pa jujun taq ri wokajil japache’ rech suk’umalil ri’, rech q’atel b’anow k’ax xuquje’ rech b’anow q’atoj tzij ri’, rech q’alan b’anow k’ax xuquje’ rech ukojik k’ak’ taqanik pa taq le wokajil japache’ ri’, ri b’anow solwachinik chi rij taq q’atoj tzij ri’; rech pa jun b’anow k’ak’ tz’aqatil uwach taqanik pa japache’ ri’ xuquje’ rech jun ub’anikil yakib’al ib’ pa Iximulew ri’; rech b’anow k’ak’ taq ub’anikil pa le taqanik rech pa uwokajil japache’ ri’ rech kojpa’ ri kojotal pa República Dominicana ri’.

COMPARTIR