Xchapataj ri jun b’anol k’ax ub’i’ “El Andy” kab’ixik are xuchomaj b’anow k’aqanik chi ke ri PNC

133

Eri Subdirector rech Investigación Criminal, Stu Velasco, xuya’ ub’ixik che ri maltyox che ri utzalaj ub’anikil ya’olchajinik xb’an we kamik ri’ rumal ri’ xb’antaj kowinem xchapatajik ri a Andy Santana García, che ri are xresaj rib’ pache’ pa noviembre pa junab’ir kanoq, pa Fraijanes I, rumal ri’ kab’ixik che are ajchomal rech ri b’anow k’i k’aqanik chi ke ri ri Wokajil Ajchajil Tinamit ri’.

“Pa taq le b’anow tzukunik ri’ xch’ob’otajik che are ri k’amal b’e chi ke nik’aj molaj b’anol k’ax ri’ are k’ut xutaq ub’anik ri k’aqanik kuk’ ri e rachib’il ri’”.

Xuquje’ eri Velasco xuya’ ub’ixik che ja k’olib’al oxib’ uwokib’al pa junamil ri’, eri jun b’anol k’ax ri’ k’o jun ugimnasio, k’o k’i atz’iyaqb’al chupam ruk’ taq xajab’ ri sib’alaj utz ri’, ri k’o jun nimalaj umolaj che ri nim kekowin che ub’anik ri’, eri wujil k’o ruk’ are xq’alajisan rech ruk’ ri b’anow elaq’ toq’inik pwaq xub’ano chi ke taq ri winaq xub’an k’ax chi ke ri’.

Eri Subdirector rech Investigación Criminal xuya’ ub’ixik che xuquje’ e k’o 49 chi ajb’anol k’ax xechapatajik xuquje’ rumal ri’ xb’antaj kowinem xq’atexik jun nim molaj b’anol k’ax kib’i’ “Los Imitadores”, che ri kikojom kib’ che e Pandilla rech Barrio 18 xuquje’ e rech ri MS, man tzij taj e k’i ta pa le jun molaj ri’ e are k’ut ri kakib’an ri k’ax ri’.

We kamik ri’ xb’antaj kowinem xch’ob’otaj kuwach, xcha’ ri Velasco, che ri jun pandilla 18 xkib’an elaq’ toq’inik pwaq chi ke taq winaq pa Escuintla, pa San Miguel Petapa, pa Villanueva, pa zona  18, 6 xuquje’ pa Mixco.

Xuquje’ xuya’ ub’ixik ruk’ wa’ kichapik nik’aj b’anol k’ax ri’ tajin xya’ k’ut uchuq’ab’il ri 400 chi denuncias chi rij ri elaq’ toq’inik pwaq ri’.

Pa k’isb’al rech xya’ ub’ixik che ri nik’aj b’anol k’ax xechap we kamik ruk’ wa’ xb’antaj kowinem xq’atexik kikamisaxik ri’ e k’i winaq ri’.

COMPARTIR