Eri b’anow k’ax kamisanik pa we amaq’ ri’ xqaj uchuq’ab’ pa jun 3% ri’ k’a pa le nab’e q’ij enero xuquje’ pa le 15 q’ij rech abril, man junam ta ri’ ruk’ ri xk’ulmataj pa junab’ir ri’, rumal k’ut ri ya’olchajinik che ri sib’alaj ya’olchajinik katajin pa taq tinamit ri’ jacha’ ri’, pa le kiq’atexik nik’aj chik molaj b’anow k’ax ri’ kuk’ ri nuk’wokaj kamisanem ri’.

Jacha’ k’ut ri xuya’ ub’ixik ri Wokajil Ajchajil Tinamit ri’, pa le 2017 ri’ k’o 44 b’anow kamisanik xk’ulmataj ri’ man junam ta ruk’ ri xk’ulmataj pa le 2016. E pa junab’ir ri’ e k’o 1,325 chi winaq xekamisaxik, e pa junab’ chik ri’ e k’o 1,281 xekam ri’.

Eri b’anow k’ax kamisanik che ri utunum rib’ ri’ kab’ixik che k’o pa jun 16% chi winaq xekam ri’, junam ruk’ ub’ixik che k’o 1,335 b’anow k’ax xk’ulmataj ri’ pa junab’ir kanoq, pa ronojel we amaq’ ri’. Eri xqaj che ri are ri’ pa jun 14% chi’ pa niamtinamit rech Iximulew ri’ xuquje’ pa le Uk’u’x Nimatinamit Iximule wri’, ruk’ 502 xuquje’ 286 chi b’anow k’ax ri’.

“Eri kab’anow rech wari’ jewa’ che tajin uqajik uchuq’ab’ ri b’anow k’ax kamisanik ri’ are xa’rumal eri nuk’wokaj kab’anow k’ax tajin usachik kuwach ri’, xuquje’ rumal tajin uq’atexik ri tijow awan kunb’alil ri’ ruk’ ri b’anow ch’oj chi kuwach ri e ajk’ayin awan kunb’alil ri’, jeri’ ri b’anow elaq’nik pa taq taqawokajil xuquje’ rumal man kakowin ta chik ri taqawokaj kuq’atij kuwach pa we tinamit ri’”, jeri’ xuq’alajisaj uwach ri solwachinem ri’.

Eri uchuq’ab’il tajin xqaj ri’ che ri b’anow k’ax pa we amaq’ ri’ are xujresaj ri’ pa le lajuj tinamit che ri qas kak’ulmataj wi b’anow k’ax pa uwach ulew ri’, pa le ub’anikil cholajisab’al xxya’taj wi ri Iximulew ri’. We jun solwachinem ri’ are kuwok uwach ri nuk’wokaj man rech taq pa taqawokaj mexicana Consejo Ciudadano rech ri Ya’olchajinik pa Tinamit xuquje’ pa Q’atb’altzij ri’ (CCSPJP) xuquje’ are wa’ ri k’a xya’ pa utzijolil ri’ rumal ri Centro rech Investigación rech ri Crimen Organizado (InSight Crime) ri’.

Rumal ri’ eri Ministro rech Gobernación, Francisco Rivas, sib’alaj xuya’ ub’ixik che pa lunes ri’ e pa le Awan Q’ij 2017 qast man k’ot k’ax ri’ xk’ulmatajik rech aretaq xuk’iso lajuj junab’ ri’, aretaq xk’ulmataj ri’ 74 chi b’anow kamisanik ri’, jeri’ ri 87 xuquje’ ri 117 che ri xk’ulmatajik pa le 2008 xuquje’ pa le 2016.

Pa waqxaib’ q’ij majun b’anow kamisanik ruk’ k’aqb’al xk’ulmataj tane ri’

Pa le Q’ij rech K’astajib’al (16 rech abril ri’) are ri uro’ q’ij ri’ rech ri 2017 che ri manjun (“0”) b’anow kamisanik xk’ulmataj chi k’aqb’al pa tinamit rech Iximulew ri’, eri rajilab’al k’o pa le PNC, kub’ij che pa juntir ri waqxaqib’ q’ij ri’ man k’ot b’anow kamisanik xk’ulmataj ri’ pa le uchak patan ri Ministro rech Gobernación ri’, Francisco Rivas.

Xuquje’ pa le 16 rech abril k’o majun (“0”) b’anow kamisanik che k’aqb’al xk’ulmataj tane pa we junab’ ri’: jeri’ pa 24 rech febrero, jeri’ pa 3, pa 9 xuquje’ pa 30 rech marzo. Ma are ta juntir ri’, e pa jueves 9 rech marzo xuquje’ majun kamisanik xk’ulmataj pa we amaq’ q’ij pa ronojel we amaq’ ri’.

E pa Domingo rech K’astajib’al ri’, pa 16 rech abril, majun kamisanik xk’ulmatajik pa tinamit rech Iximulew ri’.

Xuquje’ jeri’ pa le 28 rech junio, jeri’ pa le 21 xuquje’ pa le 22 rech noviembre rech 2016, pa taq le q’ij ri’ majun kamisanik xb’antaj pa le tinamit rech Iximulew ri’. Xuquje’ jeri’ pa 14 rech diciembre pa junab’ir kanoq aretaq majun kamisanik xk’ulmataj pa taq le 21 chi tinamit ri k’o pa we amaq’ ri’.

E pa le uq’ij uchak upatanib’al ri Rivas eri kamisan winaq are xqaj pa 29 xuquje’ pa 27 ri’ che jujun taq 100 mil chi winaqil e jaqal chi’, jeri’ k’o pa utzijol ri xuya’ ub’ixik ri PNC ri’.

Swiffy Output
COMPARTIR