Xb’antaj kowinem xya’taj chik ri joremalil pa le tinamit rech Izabal xuquje’ Zacapa

116

Aretaq xkojotajik jun nim ya’olchajinik ri’, chi’ k’u ri’ eri Wokajil Ajchajil Tinamit ri’ xe’utaq b’ik pa konojel e 115 eqa’lenelab’ rech taq ri comisarías, pa le kito’ik xetaq ri’ e 35 ajtzukunelab’ rech ri División Especializada xuquje’ ri  Investigación Criminal (DEIC), e k’o e waqxaqib’ e kamisanel e uwinaq ri jun molaj b’anol k’ax kib’i’ “Los Tucanes”, che tajin b’anow kamisanik xkib’an chi’, ruk’ elaq’an wakax, rumal reqaxik k’aqb’al ri’ xuquje’ rumal uk’ayixik pa awalik k’aqb’al ri’.

“Maltyox chi ke ri tzukunelab’ rumal xekowin che uraqik 11 chi k’aqb’alil ruk’ ch’a’wb’alil naj are wa’ katajin utzukuxik uwach kumal ri xechapow kech ri’”, xcha’ ri ajtzijolinel rech ri PNC, Pablo Castillo.

Eri jun molaj b’anol k’ax ri’ ri xch’ob’otaj kuwach ri’ kumal ri tzukunelab’ chi rij ri’ pa le tzukunem xb’antaj ri’, xkiya’ ub’ixik ri’ che ri jun molaj b’anol k’ax ri’ chi kijujunal ri’ ya’tal pa kiq’ab’ rech kakikamisaj winaq ri’, kakeleq’aj wakax ri’ xuquje’ kakiq’axaj k’aqb’alil ri’ xuquje’ kakib’an k’ax ri maj pa usaqil ri’.

Xuquje’ eri tzukunelab’ rech ri Wokajil Ajchajil Tinamit ri’ k’o xkiraq pa le jn molaj b’anol k’ax ri’, che k’o kuwach kuk’ ri e ajk’ayin awan kunb’alil ri’ xuquje’ pa le uk’ayixik ri k’aqb’alil ri’.

Pa uk’isik ub’ixik ri’ eri Castillo sib’alaj xuya’ utzijol che ri “Nik’aj Tucanes” are ri’ jun molaj b’anol k’ax che sib’alaj e kamisanelab’ ri’ kakixib’ij ri winaq che k’aqb’alil calibre 9 milímetros xuquje’ ri kupkik k’aqb’al jacha’ ruk’ raqarik k’aqb’alil ri’ are kakikoj pa le b’anow elaq’ chi ke ri winaq tinamit rech Zacapa xuquje’ pa Izabal ri’.

 

COMPARTIR