Xb’an loq’ kina’tixik ri keb’ e ajchajil tinamit che ri xek’am ri’

146

Eri keb’ eqa’lenel ri’ le Inspector Marvin Arnoldo Lopez xuquje’ ri Eqa’lenel Francisco Martínez pa le K’amow b’e rech ri Wokajil Ajchajil Tinamit ri’ xkiya’ kib’ pa le kamikal ri’ pa le ya’olchajinik chi ke ri winaq e aj iximulew ri’.

Pa jun nim tzijolil xya’ chi kuwach kachalal, kachib’il ri Inspector  Lopez xuquje ri Eqa’lenel rech ri Wokajil Ajchajil Tinamit ri’, ri xekam pa jun k’aqanem chi kuwach kuk’ ri nik’aj pandilleros, eri Ministro rech Gobernación Francisco Rivas Lara are wa’ xub’ij chi kuwach ri e achalal ri keb’ eqa’lenel che ri xekamik ri’ “Eri Qatat Chikaj kuya’ utzilem joremal pa iwanima’ ix, ri uj ajpetinaq che kiloq’oxik na’tib’al kech ri’ xuquje’ rumal ri’ eri e are e loq’ taq winaq ri’ rumal xkiya’o kib’ pa kamikal ri’”.

Aretaq xuya’ ub’ixik ri’ xub’ij k’ut che man kakutuke’lej taq kib’ we kamik ri’ xane’ ya’tal kitob’anik juntir ri Wokajil Ajchajil Tinamit chi ke ri’.

“Qastzij kinij chiwe che kaqachakuj ri’ xuquje’ kaqatzukuj uwach ri’, rech keqarik ri’ xuquje’ rech keqachapo rech keb’e pache’ nik’aj b’anol k’ax ri’ che ri xkikamisaj ri keb’ e ajchajil tinamit ri’, kaqakoj b’a’ ronojel qachuq’ab’ ruk’ qachakub’al ri’ xuquje’ kojuxulan taj rech keqak’am b’ik pa q’atb’altzij xuquje’ pache’ ri’” xcha’ ri Ministro.

Aretaq xuya’ utzij chi ke ri e ajchajil tinamit ri’ che ri xek’oji chi’ eri Rivas Lara xub’ij che ri xk’ulmatajik ri’ man ke’uq’atij ta kib’e ri’ xane’ rumal ri’ kuya’o nim kichuq’ab’ che kiq’atexik nik’aj b’anol k’ax ri’.

Rumal ri’ eri K’amal b’e rech ri Wokajil Ajchajil Tinamit ri’ Nery Ramos y Ramos xub’ij che ri kalk’uwal ri eqa’lenelab’ ri’ man ke’al ta kan kutukel ri’ xuquje’ kakitijoj na kib’ ri’ chuwe’q kab’ij ri’.

“Eri uk’aslemal jun loq’ winaq ri’ xuquje’ jun utz ajchak ri’ are k’o nim upatan ri’ pa we amaq’ xuquje’ ri ik’aslemal ix pa le kiq’atexik nik’aj b’anol k’ax ri’ are wa’ k’o kupatanij pa we amaq’ ri’, xuquje’ aretaq kata uwach kakojik rech qas keq’atexik ri nik’aj b’anol k’ax chi ke ri utz winaq ri’, rech kek’oji pa joremal pa utzilem konojel ri winaq tinamit e aj iximulew ri’”.

Ri raqow k’ax ri’

Eri eqa’lenel xekam ri’ aretaq ketajin che ya’olchajinik ri’, are chi’ sib’alaj xek’aq kumal taq nik’aj b’anol k’ax ri’ pa le colonia Nimajuyu’.

Aretaq eri PNC ri’ k’o jun nim tzukunem ya’olchajinik xkib’an pa taq le colonias e k’o panoq ri’ pa le k’olib’em rech Santa María La Paz che ri xraqataj wi jun nitz’ k’aqb’al ri’, ruk’ jun subametralladora xuquje’ ruk’ chalecos antibalas che ri qaraj are xkoj pa le b’anow k’ax ri’.

COMPARTIR