Xchapataj jun achi ajk’ayin awan kunb’alil ub’i’ “El Macho”

344

Aretaq xb’antaj k’i tzukunik rumal ri Quinto Viceministerio Antinarcóticos rech Gobernación, pa komonb’al kuk’ ri q’atol tzij rech ri Ministerio Público (MP), eri grupo Halcones rech ri Subdirección General rech Ub’anikil Ch’ob’ow xuquje’ Tzukunem Antinarcótica (SGAIA) xub’an kowinem xuchap jun achi ajk’ayin awan kunb’alil Alex Ernesto Díaz Torres, uq’ab’em ub’i’ “El Macho”, pa le 12 avenida xuquje’ 3ra calle zona 15, chuwach jun ja rech kekuna wi  winaq tojom.

Are wa’ utzijol xya’taj ub’ixik kumal ri q’atb’altzij chi rij ri Díaz Torres, uq’ab’em ub’i’ “El Macho”, are taqom loq uchapik kumal ri q’atb’altzij rech ri Estados Unidos rech Norte América, rumal k’ayin awan kunb’alil xub’an ri’ xuquje’ rumal ri’ kataq b’ik pa Q’atb’altzij rech Q’atow tzij chi rij, rech Nueva York, Estados Unidos.

Eri xtzukux chi rij ri’, xq’alajisaj che ri Díaz Torres are k’o uwach ruk’ ri “El Fantasma”, ri q’atam tzij chi rij rumal b’anow k’ayin awan kunb’alil ri’ rumal jun q’atb’altzij norteamericana, pa le q’axin awan kunb’alil pa uwi plow ri’.

Eri jun b’anol k’ax ri’ q’ab’em ub’i’ “El Fantasma” xuquje’ ri rixoqil ub’i’ Cynthia Cardona, e keb’ ri’ taqom loq kichapik rumal ri’ Q’atb’altzij rech ri Distrito Sur rech Miami xuquje’ taqom kichapik rumal Estados Unidos pa le keb’ q’ij rech noviembre rech 2016. Eri Monroy xchapataj kumal ri q’atb’altzij rech iximulew pa le 30 q’ij rech abril pa we junab’ ri’ pa Antigua Guatemala, eri rixoqil pa jun kanoq xchapataj pa jun tzukunik xb’an pa Nimab’e kab’e El Salvador ri’.