Xchapataj jun achi xukoj rib’ che eleq’am b’ik pa Retalhuleu

157

 

E reqa’lenel Antisecuestros rech ri Wokajil Ajchajil Tinamit, e k’o kajib’ winaq xkichapo, e jun chi ke kab’ixik xukoj rib’ che xk’am b’ik kumal b’anol k’ax man tzij taj, are wa’ xk’ulmatajik pa le nimaja’ Ocosito, pa le Finca La Isla, pa San Sebastián Retalhuleu ri’.

Eri winaq xechapik ri’ e are: a Alex Ariel Albores Chan 34 ujunab’, a Sergio Rolando del Bal Martínez 35 ujunab’, a Genaro Barreno Cujuy, 42 ujunab’ xuquje’ a Luis Alberto Gil González 31 ujunab’.

Eri xechapatajik ri’ are xb’antaj kowinem rumal k’o jun tzukunik xb’an chi kij xuquje’ rumal pa aninaqil xya’taj loq ub’ixik wari’ kumal rachalal ri jun winaq ri’, Q 40 mil chi pwaqil k’ut pa ub’ixik xtoq’ix chi rij, rumal ri’ xchomax kuk’ nik’aj b’anol k’ax ri’ che katoj Q. 10 mil chi rij ri’.

E k’o keb’ kejach’ich’ xesax chi ke nik’aj b’anol k’ax ri’ aretaq xechapatajik che ri are kikojom b’ik che uk’amik ri pwaq xkitoq’ij chi rij ri’.