Xchapataj pa FAG ri jun b’anol kamisanel che ri xe’ukamisaj keb’ winaq ri’

100

 

Eri Ministerio rech Gobernación pa le keqale’nib’al ri eqa’lenelab’ rech ri Jachakunb’al rech Tzijol rech ri Wokajil Ajchajil Tinamit (PNC) pa komonchak ruk’ ri Jachakunb’al rech Ke’uchap winaq xuquje’ rech Ke’uchap loq (ICE ub’i’ inblés tzij) rech ri Estados Unidos, xb’antaj kowinem xchapatajik pa le Fuerza Aérea Guatemalteca (FAG), eri ri’ are jun ajb’anol k’ax ri k’o kajib’ mul taqom uchapik ri’ xuquje’ are kab’ixik xe’upij e keb’ winaq ri’.

Eri xchapik ri’ xch’ob’otaj uwach are ub’i’, Bryan Eduardo Del Cid Cruz 24 ujunab’, are kab’ix che “el camperito”, ri are xa’ xchap loq rech xtaq loq pa le FAG upetik pa Estados Unidos.

Eri q’atb’altzij rech ajchajil tinamit xkib’ij eri jun achi xchapik ri’ kab’ixik are xe’ukamisaj juk’ulaj winaq, kab’ixik xa’rumal man xkijach taq ri pwaq rech toq’inik pwaq xkik’am kanoq ri’.

Eri jun b’anow k’ax ri’ are xub’an kanoq pa le 25 rech mayo rech ri 2014 pa le barrio Colombia rech ri zona 18 chi’ k’u ri’ xeraqataj wi’ ri winaq ri’ e kamisam chik e qupim chik e ya’m kanoq pa taq k’olib’al nylon ri’.

Xuquje’ eri Del Cid Cruz ri’ are taqom uchapik kumal e kajib’ q’atb’altzij ri’ xuquje’ junam ri’ rajilab’al ruk’ ri b’anow k’ax ub’anom ri’.

Eri nab’e q’atb’altzij xutaq uchapik are ri rech Séptimo rech Primera Instancia Penal Narcoactividad xuquje’ rech B’anow k’ax pa Rulewal ri’ pa le 3 de julio rech ri 2014, rumal b’anom kamisanik ri’.

Eri jun q’atb’altzij xutaq uchapik loq are ri rech Primero Pluripersonal rech Paz Penal rech pa uk’u’x nimatinamit rech pa le 11 rech julio ech ri 2014 xuquje’ rumal xuwaj rib’ ri’.

Eri urox q’atb’altzij xutaq uchapik ri’ are ri rech Sexto rech Primera Instancia Penal Narcoactividad xuquje’ rech B’anow k’ax che ri uwachulew ri’ pa le 17 ech julio rech 2014, rumal b’anow kamisan winaq ri’.

Xuquje’ eri jun chik q’atb’altzij che xutaq uchapik ri’ are ri rech Juzgado Primero Pluripersonal rech Paz Penal rech uk’u’x nimatinamit Iximulew ri’ pa le 30 rech julio rech 2014, kab’ixik rumal b’anow k’ax xuquje’ rumal xuwaj rib’ ri’.

COMPARTIR