Xchapataj pa jumul chik ri k’amal b’e rech b’anow k’ax ub’i’ “Ri Kej”

472

Eri salvadoreño Oscar Wilfredo González Hernández, ub’i’ kab’ixik “ri bestia”, kab’ixik are k’amal b’e jun molaj b’anol k’ax kakeleq’aj winaq ri’, are xchapataj pa jumul chik chi la’ pa Puebla, México, kab’ixik are wa’ rumal jun komonchak tzukunik xb’an che kumal Iximulew xuquje’ México.

“K’a aretaq eri jun winaq ri’ are xranij rib’ pa jun k’olib’al chajinik kojom ri’ rumal ri’ sib’alaj xtzukuxik rech xraqik ri’, xuquje’ ruk’ kitob’anik ri komonchak chi rij ri’ kumal ri q’atb’altzij rech México. We jun winaq ri’ are xesax loq pa le juyub’ tinamit mexicano xuquje’ are xtaq loq pa we juyub’ amaq’ ri’ are ri’ kaya’ pa uq’ab’ ri q’atb’altzij chi’” xcha’ ri Ministro rech Gobernación, Francisco Rivas Lara.

Eri Rivas Lara xuya’ ub’ixik che man k’ot pwaq jitim chi rij rech kachap loq, rumal k’ut are wa’ jun chak xb’an chi rij ri’ kumal ri sak’ajil tzukunel rech Iximulew ri’ che ri xb’an ruk’ México, pa uq’atexik jun molaj b’anow k’ax pa le keb’ nimatinamit ri’.

Eri González Hernández eri nab’e mul xchapik pa Jalpatagua, Jutiapa, pa junio rech 2016 xuquje’ are xresaj b’ik rib’ pa Hospital Roosevelt, pa 14 rech mayo kanoq, arechi’ kab’ixik xok chi’ rumal jun yab’il ub’i’ apendicitis.

COMPARTIR