Xechapataj e waqib’ kamisanel rech jun molaj b’anoj k’ax kib’i’ “Nik’aj Juanquis”

163

K’o jun nim tzukunik xb’an pa Ajsik che we amaq’il nimatiamit ri’, chi’ k’u ri’ e k’o waqib’ kamisanel e uwinaq jun molaj b’anol k’ax kib’i’ “Nik’aj Juanquis” xechapataj ri’, kab’ixik eri kimak are b’anoj elaq’, b’anoj k’ax chi ke winaq, man k’ot pa usaqil pwaq kakimolo, b’anoj elaq’ pa taq nima b’e chi ke winaq, b’anoj toq’inik pwaq xuquje’ b’anoj kamisanik, xcha’ ri Ministerio rech Gobernación Francisco Rivas Lara, pa ya’oltzijolinik pa komon kuk’ ri q’atb’altzij rech ri Ministerio Público ri’.

 “Kab’ixik k’o retalil ri b’anoj k’ax kib’anom ri’ ri xkiya’ kanoq chi rij taq wujil jastaq, chi’ k’u ri’ xmajtaj ri tzukunik chi rij ri’ xuquje’ rumal ri’ rajawaxik xechapik ri’, kaya’ ub’ixik che we tzukunik ri’ are katajin na chi kij rech k’o nik’aj chik kechap chi ke rumal b’anoj k’ax ri’”, xcha’ ri Taqawokajnel rech Ya’olchajinik pa Amaq’ ri’.

Xechapatajik nik’aj xkikamisaj ri ali xk’oji che uq’osal kotz’i’j tinamit ri’

Eri Sub comisario rech Investigación Criminal, rech ri Wokajil Ajchajil Tinamit, Stu Velasco, xuya’ ub’ixik che k’o kajib’ uwach tzukunik tajin unimaxik uwach ri’, rumal ri’ e k’o jo’lajuj chi tzukunel ajchajinelab’ ri’, xetaq che kichapik ri jun molaj b’anol k’ax ri xkikamisaj ri jun empresario ub’i’ Domingo Garcia ruk’ ri Irma Elizabeth García Gómez ri xk’oji che Ukotz’i’j rech Ixim Tinamit, pa La Esperanza, Quetzaltenango ri’.

Eri xechapatajik e are taq wa’: a Juan Carlos García Saj 35 ujunab’, kab’ixik are taqanel che ri jun molaj b’anoj k’ax ri’, a Hugo Alexander Castillo López 30 ujunab’, a Jorge Gustavo Winaq Hernández 39 ujunab’, a Abelino Jolomocox Tiu, 27 ujunab’, a Ever Oswaldo Sac Cifuentes, 32 ujunab’ xuquje’ a  Oscar Enrique Say, 25 ujunab’ ri’.

  • Nota: Carlos Hernández
  • Fotografías: Alberto Galiano
COMPARTIR