Xechapataj jun molaj b’anol k’ax che ri kakitoq’ij pwaq chi ke winaq pa taq ri wokja rech Mixco

186

Eri Wokajil Ajchajil Tinamit (PNC), xkowin che kiq’atexik kichapik jun molaj b’anol k’ax e ajtoq’il pwaq ri’, ri k’amatil kib’e rumal ri Edwin Rocael Godoy Espinoza, alias “ri Sniper”, 26 ujunab’, are uchak ri jun pandillero rech ri barrio 18, Danilo Ramírez Espinoza, alias “ri Smiley”, che ri tz’apil pache’ k’a pa le 2011 ri’.

Eri jun b’anol k’ax ri’ Alias “ri Sniper”, xchapataj pa 20 tzukunem ya’olchajinik xb’an pa Mixco, chi’ k’ut xuquje’ xchapataj wi ri Brando Gabriel Escobar, ri Ángel Samuel Osorio kuk’ e kajib’ alab’om ri’.

We jun molaj b’anol k’ax ri’ kab’ixik are sib’alaj xkitoq’ij pwaq chi ke ajchoq’e ch’ich’ rech esal mes ri’ xuquje’ chi ke e ajjachal taq jastaq pa taq k’ayib’ pa tinamit ri’, xuquje’ kab’ixik e are k’o oxib’ kamisanik kib’anom pa taq diciembre rech 2014 xuquje’ pa junio rech 2017 ri’.

Rumal ri’ eri Nery Benito Hernández, reh ri PNC, xuya’ ub’ixik che pa taq le ya’olchajinik xb’an ri’ xb’antaj kowinem xraqataj jun k’aqb’al ri’, ruk’ 15 chi ch’a’wb’alil, ruk’ pwaqil, e jun ub’ixikil kumal ri e ajchajil tinamit chupam xq’alajisax wi che we jun molaj b’anol k’ax kamisanik are xa’rumal sib’alaj xkitoq’ij pwaq chi ke winaq ri’ xuquje’ k’o b’anow kamisanik tajin xkib’an ri’.

COMPARTIR