Xechapataj jun molaj b’anol k’ax che wujpwaqb’al ri’

145

E k’o b’elejeb’ b’anol k’ax xechapatajik kab’ixik rumal kakib’an k’ax che ri wujpwaqil rech xkesaj pwaqil pa k’olib’al pwaqil, rumal ri’ xechaptaj kumal ri eqa’lenelab’ rech Investigación rech Kiq’atexik Nuk’wokaj B’anol k’ax rech ri DEIC rech ri Wokajil Ajchajil Tinamit (PNC), aretaq xb’antaj ri’ 18 chi tzukunik pa jalajoj taq k’olib’em pa we amaq’ ri’.

Eri tzukunem xb’an chi kij rumal ri e ajno’jtzukunel rech ri PNC e are xkiq’alajisaj che ri jun molaj b’anol k’ax ri’ are tajin xkesaj rachib’al taq ri wujpwaqb’al ri’ kachib’il ri’ e rajawtzij che ri ketojan ri’ jeri’ pa taq cajeros ri k’o pa taq jalajoj taq k’ayib’alil rech xkeleq’aj katzijol ri winaqil k’o kipwaq chi’.

Rumal ri’ we kamik aretaq we k’o jun winaq karesaj upwaq ri’, are kakojom jun raseb’al rachib’al chupam le kaxonach’ich’ rech pwaqb’alil ri’ub’i’ SKIMMERS, jeri’ ub’anik kakib’an ri’ aretaq kakesaj rachib’al ri’.

Eri molaj b’anol k’ax xechaptaj ri’ k’o chakub’al chokonsab’al xuquje’ no’jchakub’al keqam ri’ rech ruk’ wa’ kakesaj rachib’al taq ri tarjetas ri’ rech jun chik k’o kuk’ ri’. Rumal ri’ eri xechapatajik ri’ e are ri’ a Luis Antonio Valenzuela, a Frederic Gustavo Reyes, a Adolfo Fernando Peralta, a Luis Alonso Ruiz, a Gustavo Adolfo Navas, a Walter Rolando de León, a Romualdo Domingo de León, ri Madelin Romero xuquje’ ri Kimberli Andrea Melgoza.

COMPARTIR