Xechapataj jun molaj b’anol k’ax e ajtoq’inel pwaq pa zona 18 xuquje’ pa San Pedro Ayampuc

466

Pa konojel e k’o 15 pandilleros, e kajib’ chi ke e q’apoj na, eri e are ri’ b’anow toq’inik puwaq xkib’an ri’, ruk’ q’axnik k’aqb’al ruk’ awan kunb’alil maj pa usaqil ri’ xuquje’ b’anow kamisanik pa taq ri colonias rech ri zona 18, pa taq le zona 5 xuquje’ pa San Pedro Ayampuc, e are ri’ xechapatajik pa taq le tzukunem xb’antaj kumal e 250 eqa’lenel ajchajil tinamit ri’.

Eri Subdirector rech ri Ya’olchajinik rech ri Wokajil Ajchajil Tinamit, Rony Espinoza, eri xechapik are uwach ri chak xb’anik pa komonb’al ruk’ ri Ministerio Público xuquje’ k’o jo’ob’ ik’ chi b’anow tzukunik xb’antaj chi rij ri’, rumal ri’ xb’antaj kowinem e 49 winaq xechapataj wi’, konojel k’ut e uwinaqil ri jun Clica Corner Ganster rech ri Barrio 18 ri’.

Xub’ij chik che xb’antaj kowinem xchakux wa’ pa le uya’ik joremal ruk’ ki’kotem chi ke ri winaq e jaqal chi’, kuk’ ri e ajchoq’e k’ayib’al ri’ kuk’ ri e ajchoq’e ch’ich’ rech erelwinaq pa taq el colonias che ri xb’antaj wi ri 25 chi tzukunik ri’.

Rumal ri’ eri María Elena Guzmán Nab’e ajtzib’anel rech ri Ministerio Público, xub’ij che ri jun molaj b’anol k’ax ri’ k’o 22 chi k’ax xub’an ri’, k’o q’axnik k’aqb’al maj pa usaqil xub’ano, k’o Itzel choman b’anow k’ax xub’ano, k’o wujil maj pa usaqil xkesaj uwach ri’, ruk’ b’anow k’ax chi ke ch’ich’ erelwinaq ri’ xuquje’ k’o b’anow kamisanik xkib’an ri’.

Pa le ub’anik ri k’ax ri’ eri Nab’e Ajtz’ib’anel rech ri MP, xuya’ ub’ixik eri nik’aj b’anol k’ax ri’ k’o ch’a’wb’alil xkijach chi ke ri winaq che ri xkitoq’ij pwaq chi ke xuquje’ k’o b’anow xib’inik xkib’ij chi ke ri winaq che ri xkikamisaj rumal we kakiya’o ta le pwaq ri’, ruk’ jun b’anow k’ax ri’ k’o panik’aj q’inomal pwaq xkimol kuwach pa usaqil ri’.