Xechapataj jun molaj b’anol k’ax kib’i’ “Los Pelones”

673

E k’o lajuj winaq b’anol k’ax xechapatajik kumal ri Wokajil Ajchajil Tinamit  (PNC), kab’ixik e are jun molaj b’anol kax kib’i’ “Los Pelones”, ri kab’ixik e are k’o k’i winaq kikamisam ri’ pa le colonia “La Chácara”, zona 5 rech pa nimatinamit ri’.

Eri xechapatajik ri’ are pa 23 chi tzukunem xb’antaj ri’, chi’ k’u ri’ xetatb’en ri’  275 eqa’lenelab’ rech ri PNC xuquje’ q’atol tzij rech Ministerio Público.

E kab’ixik eri tzukunik xb’an chi rij jun molaj winaq ri’ xuq’alajisaj che e are ri’ tajin b’anow kamisanik xkib’an ri’ xuquje’ ruk’ k’ayin awan kunb’alil. Aretaq xkib’an ri k’ax ri’ sib’alaj xkichajij ri winaq pa k’iyalaj taq q’ij, rech xkikamisaj ri’, chi rij taq kejach’ich’ xeb’in che b’anow ri k’ax ri’.

Kab’ixik k’o 400 pajb’al rech marihuana xraqataj kuk’ ri’, xuquje’ k’o oxib’ k’aqb’al, jun raqarik k’aqb’al, lajuj ch’a’wb’alil, jun ch’ich’ xuquje’ pwaq ri’.

Eri xechapataj ri’ xch’ob’otaj kuwach e are ri’ a Robin Alejandro Mejía, ri kab’ix  “el pelón” che, a Francisco Oxlaj Itzep, alias “Paco”, a Bryan Alexander Juárez López, alias “Ranchero”, a Marco Vinicio Taques Guzmán, alias “Taques”, a Nelson Giovanni Martínez Ibañez, alias “cachilla”, a Nestor Alonzo Suchité Revolorio, alias “Nestor”, a José Wagner López Cabrera alias “Garnachas”, a Rudy Alejandro Lorenzo xuquje’ a Andrés.

COMPARTIR