Xechapataj nik’aj b’anol k’ax e kamisanel kech keb’ taq ala pa San Juan Sacatepéquez

206

Eri b’anow taq tzukunik xmajtaj pa febrero pa we junab’ ri’ eri wokaj eqa’lenelab’ xuquje’ e ajtzukunelab’ rech ri Wokajil Ajchajil Tinamit kuk’ ri q’atoj tzij rech ri Ministerio Público xkichap k’ut e kajib’ winaq che ri kab’ixik kiwokom uwach jun molaj b’anow k’ax kamisanik ri’ che ri xkeleq’aj keb’ taq ala pa le juyub’ tinamit rech San Lucas, Sacatepequez ri’.

Eri xechapik we kamik e are ri’ a Francisco Baten Soc, a Juan Pedro Mejía, al María del Rosario Patzan xuquje’ a Augusto Baten Soc jeri’ xuya’ utzijol ri Rony Mauricio Espinoza, K’amal b’e rech chak patan rech ri PNC ri’.

Eri kichapik nik’aj b’anol k’ax ri’ rajawaxik k’ut xb’antaj waqxaqib’ chi tzukunik pa taq le juyub’ tinamit rech Quiché, Baja Verapaz, Chimaltenango, Mixco Guatemala xuquje’ pa le juyub’ tinamit rech San Juan Sacatepequez, jeri’ xuya’ ub’ixik ri Espinoza ri’.

Xa’ che chi b’anow k’ax xb’an chi ke taq ak’alab’ ri’ kaq’alajib’ ri’

Rumal ri’ eri Stu Velasco, K’amal b’e rech Investigación Criminal xuya’ ub’ixik xa’ pa che chi b’anow ka’x kab’antaj ri’ chi ke taq ak’alab’ e aj iximulew ri’ are ri’ nima k’ax k’o tojb’al maj ri’ chi rij are wari’ k’o nim tzukunik chi rij ri’ rech kaq’alajisataj ri’.

 “Jacha’ xub’ij ri b’anow taq tzukunik chi rij ri b’anow k’ax ri’ eri Oscar Armando Toc xuquje’ Carlos Daniel Chiquin are wari’ xk’umataj rumal jun nim ch’ojinik k’o chi kuwach ri e achalalil ri’ rumal ri’ xek’am b’ik taq ak’alab’ ri’ rech xekamisaxik xuquje’ chi’ k’u ri’ are wa’ jun b’iw tzij chi ke konojel taq ajb’anol k’ax ri’ xaq makib’an k’ax ri’ kumal pa le kikamisaxik winaq man k’ot kimak jacha’ ri xb’an chi ke taq ak’alab’ ri’ k’o tojb’al mak ri’ chi rij wa’”, xcha’ ri Velasco.

COMPARTIR