Xechapataj nik’aj e ajchak kuk’ nik’aj chik xek’oji che chak pa q’atb’altzij rech ri San José del Golfo

172

Rumal xkiwaj xuquje’ xkiq’atij uwach ya’b’al tzijol pa tinamit ri’, e k’o b’elejeb’ e ajchak kuk’ nik’aj chik xek’oji pa chak pa le q’atb’altzij rech San José del Golfo xechapataj ri’ aretaq xb’antaj lajuj chi tzukunem pa le aldea Encuentros rech Navajas rech pa we uq’ab’tinamit ri’.

Eri xechapatajik e are ri’: Juan Carlos Reyes Santos, 51 ujunab’, a Arnulfo Ávila Veliz, 51 ujunab’, a Fermín Catalán Castellanos, 55 ujunab’, a Mario Mayen Monzón, 51 ujunab’, a Héctor Silfredo Reyes Ortiz, 70 ujunab’, a Edy Manfiel Veliz Veliz, 27 ujunab’, a Álvaro Morales Morales, 49 ujunab’.

Eri Pablo Castillo ajtzijolinel rech ri Wokajil Ajchajil Tinamit (PNC), xuya’ ub’ixik che ri tzukunik ri’ xb’antajik aretaq k’o ximonik xb’an pa q’atb’altzij rumal ri’ winaq xk’oji che chak pa le q’atb’altzij ri’, chi kij ri q’atb’altzij ri e k’o we kamik, rumal b’a’ xkiwaj uwach ri tzijol xuta chi ke ri’, ri maj pa usaqil ri’.

Pane’ b’a’ xilik che ri tzijol xta chi ke man awam ta uwach ri’, rumal ri’ xchomaxik rech xechapik ri molaj kuwach q’atb’altzij ri’ pa le 2008 a 2012, xuquje’ eri jujun chi ke ri q’atb’altzij e k’o we kamik chi’.

Eri tzijol che ri xa’awax uwach ri’ are wari’: kib’i’ taq ajpatanel kuk’ kib’i’ e ajchak ri’, xuquje’ kib’ e ajno’jinelab’ che ri kechakun pa le Q’atb’altzij ri’. Ri kajil, ruk’ ri pwaq ya’tal chi ke chi’, ri xya’taj chi ke pa taq le junab’ 2014 xuquje’ 2015.

COMPARTIR