Xechapataj nik’aj winaq kakeleq’aj winaq kib’i’ “Los Catrachos”

172

Are wa’ jun utzalaj chak xb’an kumal ri tzukunelab’ xuquje’ kumal ri sak’ajil e ajchajil tinamit ri’, kumal ri e ajno’jchakunel rech ri Comando Antisecuestros rech ri Wokajil Ajchajil Tinamit (PNC) xuquje’ kumal ri Fuerza rech Tarea Contra ri Secuestro rech ri Ministerio rech Gobernación, pa komonb’al ri’ xekowin che kichapik nik’aj winaq kakeleq’aj winaq ri’, pa le nimab’e rech ri kilómetro pa nimab’e rech Atlántico, e nik’aj b’anol k’ax xechapatajik aretaq xe’opan che uk’amik ri pwaq maj pa usaqil ri’.

Eri xechapatajik ri’ xch’ob’otaj kuwach e are ri’ a Ricardo Alexander Martínez Rivera, 27 ujunab’; a Rubén Jacobo Sagastume Jordán, xuquje’ kab’ix che “El Rubio”, 40 ujunab’ xuquje’ ri a Aníbal Robles Rodríguez, 54 ujunab’ ri’, ri eb’enaq pa le jun ch’ich’ kaq rij P-203GNQ, chi’ kik’amom wi keb’ k’aqb’alil, kajib’ ch’a’wb’alil ruk’ jun jutb’al q’ab’ ri’.

E nik’aj winaq b’anol k’ax ri’ kab’ixik e uwinaq ri’ jun itzel molaj rech kakeleq’aj winaq pa taq naj tinamit, jeri’ kakib’an chi’ pa Iximulew xuquje’ pa Honduras, xuquje’ e are kab’ixik xkik’am b’ik keb’ achijab’ e ajpoq’al chak meb’il pa Omoa, Honduras, jun xkikamisaj chi ke jun chik kiwam kuk’ ri’ aj Chiquimula. Eri jun b’anow k’ax ri’ xkib’an pa junio kanoq pa we junab’ ri’.

B’antaj keb’ q’ij ri’, eri Comando Antisecuestros rech ri PNC xuto utzijol jun chik b’anow k’ax ri’: aretaq xk’am b’ik jun achi’ 22 ujunab’ ri’, ri xkeleq’aj b’ik ri’ pa taq le 27 rech agosto pa jun k’olib’em rech Petén ri’, chi rij ri’ tajin xkitaq Q. 7 millones ri’, te k’u ri’ chik xkiq’ajisaj pa $. 60 mil ri pwaq tojb’al rech kakitzoqopij ri’.

Xb’antaj kowinem b’a’ xeq’atexik nik’aj b’anol k’ax ri’, aretaq e opaninaq che uk’amik $.60 mil chi rij ri achi keleq’am kuk’.

Eri Comando Antisecuestros rech ri Wokajil Ajchajil Tinamit ri’ xuya’ ub’ixik che xqaj loq pa jun 95% pa ub’antajil uchuq’ab’ we b’anow k’ax ri’, rumal ri’ sib’alaj katajin uterenb’exik kij rech kechapik chinaq winaq e b’anol k’ax ri’.

COMPARTIR