Xechapataj ri choman rech xkesaj b’ik pache’ Ri Patrona ri’

620

Eri rilik uto’ik taq ri ch’a’wb’alil are ri’ ri qa ub’anikil b’anow tzukunik xb’anik che ri xukoj ri’ ri Subdirección General rech Investigación Criminal (SGIC) rech ri Wokajil Ajchajil Tinamit (PNC) ruk’ ri Ministerio Público (MP), rech xchapataj ri jun ixoq apache’ ri’ ub’i’ Marixa Lemus alias La Patrona ri k’o Pache’ k’o pa Base Militar Mariscal Zavala, pa le 11 rech ik’ mayo ri’.

Eri q’atb’altzij xkijach k’ut jun ub’ixikil chi rij ri xub’an ri jun abogado Benjamín Estrada pa le q’ij che ri xresaj b’ik ri’ Ri Patrona ri’. Jacha’ ri tz’ib’atal pa le wujil rech ri okem ri a Estrada chi la’ pa waqib’ mul ri’ pa le Mariscal Zavala pa keb’ ch’ich’ e k’o chi’ ri’, man tz’ib’atal ta chumpam areta xresaj b’ik rib’ ri ixoq ri’.

Eri Marixa Lemus xresaj b’ik rib’ pache’ ri’ pa jun Pick Up marca Toyota, placas P266DTH, che xq’alajinik k’o xk’ex che chupam rech xuwaj chupam ri’ chi rijel jun Abogado Estrada ri’.

Eri Lemus xq’alajin pa le GPS che ri xterenb’ex rilik k’a xel b’ik ri’ k’a pa le xopan wiri’ xuquje’ pa 14 uwach q’ij xb’antaj kowinem xchap chik loq ri’.

We tzukunem chi rij ri’ are xb’antajil rumal ri komonchak xb’an pa wokajil kumal ri q’atb’alzij ri’, pa taq le q’alajisab’al rech ri’ k’o ri’ le retal ch’a’wb’alil xb’an ri’, k’o pa video forense, e k’o winaq xeq’alajisan ch rij ri’.

We kamik ri’ k’o kajib’ tzukunik xb’anik rech xnimaxik jo’ob’ taqom kichapik winaq ri’ oxib’ chi ke xechapataj k’ut, eri xechapataj ri’ are ri jun Abogado Benjamín Antonio Estrada Zaldaña,ri al  María Elena Salazar Erazo xuquje’ ri Carlos Federico Monroy Sandoval,are karaj kachapik ri a Álvaro Alfonso Mejía Lemus xuquje’ ri  Karen Dalila Tánchez Sagastume Salazar.

Eri xechapatajik eri kimak kab’ixik are b’anow itzel b’anow k’ax rech resaxik jun winaq pache’ rumal ri’ k’o jun tojb’al mak pache’ rech waqib’ xuquje’ pa 18 junab’ ri’.

COMPARTIR