Xechapatajik jun molaj winaq kakiya’o wujq’axb’al man tzij wujil ri’

134

Eri Wokajil Ajchajil Tinamit (PNC), pa komon ruk’ ri Ministerio Público (MP) xkichapo jun molaj winaq e b’anol k’ax ri tajin xkiya’o r wujq’axb’al man tzij wujil ri’ rech kakitaq ri winaq keb’e che chak pa Canadá, je ri’ xkib’ano xkiya’o ri itzel wujilal chi ke oxib’ xyent chi winaqil ri rajil xkita chi ke are pa taq Q3 mil 50 pa Q6 mil chi pwaqil ri’, pa febrero rech 2012 pa noviembre de 2013 ri’.

Rumal ri b’anoj k’ax ri’ e 11 elaq’omab’ xechapataj chi ke ri’, ri qaraj xkimolo Q900 mil chi pwaqilal ri’ maj pa usaqil ri’.

Eri tzukunem chi kij ri’, eri ub’anik ri b’anoj elaq’ xkib’ano xa’ xkisik’ij ri winaq pa taq q’axb’al tzij aretaq xkijito ri nik’aj visas ri’, je ri’ xkib’ano xkiya’o ub’ixik utzijoxik rumal ri’ ri winaq xeb’e kanima’ chi rij ri xkitzuj chi ke kumal, aretaq kata ri wujil chi ke xkita ri rajil ri’, aretaq xtoj chi ke man k’ot wujil ri’ xkiya’ chi ke ri winaq ri’.

Eri Subdirector General rech Investigación Criminal rech ri PNC, Stu Velasco xub’ij eri xtaq b’ik kichapik ri nik’aj elaq’omab’ ri’ xkitaq b’ik e 200 eqa’lenelab’ k’o 18 chi tzukunik, chi’ pa nimatinamit xuquje’ pa taq tinamit rech San Marcos, Xe’laju’, Chiquimula, El Progreso, Totonicapán, Escuintla, Chinab’jul, Quiché, Santa Rosa xuquje’ Jalapa.

 “Xb’antaj kowinem xch’ob’otajik eri jun molaj elaq’omab’ ri’ eri taqanel chi ke are jun achi ub’i’ Edwin José Arreaga Ríos, xuquje’ are xe’utzukuj ri k’amal b’e chi ke ri komon winaqil pa taq tinamit rech xkitzukuj ri winaq ri man k’ot kichak ri’ xuquje’ rech xkijit ri chak chi ke rech keb’e pa jun chik tinamit naj ri’” xcha’ ri Velasco.

Eri nik’aj winaq xechapatajik ri’ e are: ri taqanel chi ke ri elaq’omab’ ri’ are a Edwin José Arreaga Ríos, kuk’ nik’aj ajtzijonel chi ke kib’i’ a Delmi Odili González Ríos, a Manuel Enrique Ríos  Ríos, a Blanca Estela Villagrán González, a Domingo de Jesús Gabriel Guzmán, a Fernando Rolando Quiroa Barrios, a David Ottoniel Esquivel, a Julio César Carranza Román, a César Augusto Cortez Tepaz, a Sebastián  Guamuch Xiquin, xuquje’ a Oswaldo Leonidas Marroquín Vásquez.

CHAK’OLO RI K’UTB’AL RECH CHI’

Nota: Edy Lima
Fotografías: Alberto Galiano

 

Swiffy Output
COMPARTIR