Xechapatajik rumal keqam b’i 299 mil 920 pwaq dólares ri’

111

 

Eri Ministerio rech Gobernación pa le uchak patan ri Wokajil Ajchajil Tinamit xuquje’ kumal reqa’lenel ri Subdirección General rech Análisis Información Antinarcótica SGAIA e k’o keb’ winaq xkichap pa le Kilóemtro 18 pa nimab’e kab’e pa Villa Canales.

E are ri’ a Oscar Rafael Hernández Orozco 28 ujunab’ xuquje’ ri Ana Paola Zúñiga Méndez 22 ujunab’ e are kab’ixik e b’enaq pa jun ch’ich’, chi upam kik’amom wi b’i 299 mil 920 dólares ri’.

Eri xechapatajik ri rumal k’ut xa’ xeterenb’exik rumal k’o jun winaq xb’iw loq pa le ch’ab’eb’al antinarcótica 1577 chi pa le ch’ich’ ruk’ ri  placas P-976 GRX chi upam ki’awan wi ri chom pwaqil ri’, rumal le’ xtaq ub’anik jun nim b’anoj tzukunik chi rij ri ch’ich’ ri’ che ri b’inisam rumal ri achi ub’i’ Oscar Hernández ri’.

Eri ch’ich’ ri’ are xsolixik rumal ri binomio K-9 ub’i’ coffe, ri xuya’ ub’ixik che pa k’o pwaq maj pa usaqil k’o pa le ch’ich’, rumal ri’ eri q’atol tzij rech Ministerio Público xe’opan che rajilaxik ri pwaqil xraqataj chi upam ri’.