Xechapatajik rumal maj pa usaqil kik’amom loq winaq kapetik pa b’elejeb’ tinamit

133

Eri Wokajil Ajchajil Tinamit (PNC), xe’uchapo e b’elejeb’ uwinaq jun molaj b’anol k’ax ri’ pa le kik’amik loq pa awalik winaq ri’, eri b’anow k’ax ri’ are ri’ tajin xb’antaj pa taq le tinamit rech ri’: Brasil, Colombia, Panamá, Costa Rica, Honduras, El Salvador, Guatemala, México xuquje’ Estados Unidos.

Eri tzukunik xb’antaj chi kij ri uwinaq jun molaj b’anol k’ax ri’ kab’ixik eri k’ax xkib’an chi ke winaq e ajq’axel kepe pa taq África xuquje’  Asia, hacia Estados Unidos, eri kib’e kimajom loq k’a pa Dubai, Emiratos Árabes Unidos, rech xe’opan Brasil xuquje’ Colombia xuquje’xkik’isb’ej kib’e k’a pa taq tinamit rech Centro América, chi’ k’u ri’ ya’tal kewar wi’, kirikil xuquje’ kichakub’al ri’.

Chi’ pa Iximulew ri’ eri molaj winaq e ajb’anol k’ax ri’ k’o ketal pa uwachwuj rech kakitaq b’ik koqxa’nib’al tzij ri’ chi rij kitojik kiq’axaxik ri winaq ri’ xuquje’ rech utaqik ri pwaq chi’ ke kumal ri winaq kik’amom b’ik ri’.

Eri jun molaj b’anol k’ax kekowinik kakik’am b’ik kakiq’axaj 100 pa 125 winaq chi taq ik’ ri’ maj pa usaqil, chi kij ri’ k’o 7 mil pa 25 mil chi pwaq dólares tojom chi ke ri’.

Eri Stu Velasco, k’amal b’e rech ri Investigación Criminal rech ri PNC, xuya’ ub’ixik che rumal jun b’anom k’ax ri’ e k’o chik e lajuj chi winaq  pache’ ri’, ri xechapatajik pa le nab’e uwach tzukunem ya’olchajinik pa 2016.

Eri subcomisario, Armin López, xuya’ ub’ixik che ri b’anow tzukunem ri’ are xeb’an pa Ayutla xuquje’ pa Malacatán, San Marcos, chi’ k’u ri’ e k’o 50 eqa’lenelab’, 15 e ajb’anol tzukunik kuk’ q’atol tzij rech ri Ministerio Público.

Eri xechapataj ri’: ri Abigail Morales Carreto k’amal b’e taqanel rech ri molajil ri’, ri Claudia Begonia Morales Carreto, a  Denis Verenice de León,ri  Alicia Maeda Ortega, a Julio García Salazar, ri Sandy García Salazar, ri Siria Ventura Pérez, a Marco Escobar Juárez, ri  María Hidalgo Barrios, ri Mariela Chonay Aguilar.

COMPARTIR