Xek’uttijoxik rajchak ri Gobernación chi rij rilik wujilal le xa’ eleq’am uwach taq ri’

186

Eri rajchak ri Ministerio rech Gobernación xuquje’ ri rech ri Wokajil Ajchajil Tinamit (PNC), le xetijoxik rumal jun ajno’jinel rech ri Reino Unido, chi rij uch’ob’ik taq ri wujilal rech b’enam pa taq amaq’ le xa’ eleq’am rachib’al taq jeri’ pa kach’ob’ik kuwach le winaq che ri kab’an k’ax che kik’aslemal ri’, rech rilik wexa’ k’o keb’ uwach katzijol b’anom ri’.

Pa le b’anow tijonik ri’ xya’taj wi utzijol runimal ub’anikil uq’atexik ri rech kub’sib’al k’u’x ke’esax chik ri wujilal rech b’enam pa taq amaq’ ri’ xuquje’ rech kach’ob’otajik ri rachib’al che xaq esam ri’.

Rech kach’ob’ ub’anikil ri’ k’o jun rachib’al le wujil xk’utik che xa’ eleq’am rachib’al ri’, rech are xaq xya’ pa k’utem ri’ jas le ub’anik rilik ri’ rech kach’ob’ik che ma tzij taj are qas wujil.

Eri tijonik ri’ are xb’an pa taq le rachoch ri Nacional rech Estudios Estratégicos rech Seguridad (INEES), xuquje’ xek’oji chi’ rajtaqo’n ri Cancillería, jeri’ ri rech Registro Nacional kech Winaqib’, ri rech Aeronáutica Civil, ri rech Procuraduría General rech ri Amaq’il xuquje’ ri rech ri Wokajil Ajchajil Amaq’.