Xe’opan pa 132 chi uq’ab’ tinamit che ri “majun” kamisanik b’anom ri’ pa taq le waqib’ ik’ rech pa junab’ ri’

229

 

Pa ronojel e k’o chik 132 uq’ab’ taq tinamit che ri majun kamisanik b’anom ri’ pa ronojel amaq’ ri’ jeri’ utzijol xkiya’o ri q’atb’altzij rech ri Ministerio rech Gobernación pa taq le nab’e waqib’ ik’ rech ri junab’ 2018 ri’.

Are wa’ junam kub’ij che are xopan pa 21 uwaq uq’ab’ taq tinamit ri’ man junam ta ruk’ ri rech pa junab’ir kanoq are chi’ pa ronojel ri k’ax xk’ulmatajik are 111 chi b’anow ri’ pa we amaq’.

Junam kach’ob’otajik aretaq katzijox chi rij ri uchuq’ab’ pa amaq’ tinamit ri’, are kutzij ub’ixik che ri b’anow k’ax ri’ are naj xb’e uchuq’ab’ ri’, man je ta ri’ eri rajilab’al pa ronojel taq q’ij ri’ rumal ri Wokajil Ajchajil Tinamit che are ri b’anow k’ax ri’ are xqaj loq chi rij.

Eri rajilab’al ri’ are kuk’utu che xq’atataj ri’ rumal ri k’amow ub’eyal katajin rumal ri Ministerio rech Gobernación ri’ xuquje’ are ruk’ wa’ tajin ub’anik kowinem ruk’ unab’ejsaxik q’atel b’anol k’ax ri’ pa ronojel we amaq’ tinamit ri’ xuquje’ are wa’ rumal uchak katajin che ri wokajil ajchajil tinamit.

Ruk’ wa’ pa rajilab’al ri’ xilotajik che pa taq le nab’e taq ik’ rech ri junab’ 2018 Majun b’anow k’ax chik ri’ katajin pa taq le 132 uq’ab’ tinamit jacha’ pa San José del Golfo, Guatemala Atescatempa, Agua Blanca, Cuyotenango, San Bernardino, San José el Ídolo, Olintepeque, Almolonga, Huitán, Tajumulco, Tejutla, El Rodeo, Sibilia, San Carlos Sija, Cajolá, Zaragoza, Sipacate, Santa Cruz La Laguna, Acatenango, Pastores, San Miguel Dueñas, San José La Máquina, Santiago Atitlán, Panajachel, Santa María Visitación, Santa Apolonia, San José Poaquil, San Pedro Yepocapa, Zunil, San Francisco La Unión ri’.

Eri juyub’ tinamit e k’o wi’ k’i uq’ab’il taq tinamit ri’ chi “Majun” b’anow kamisanik ri’
Ruk’ ri rajilab’al ri’ esam pa taq tinamit kaya’ ub’ixik ri’ che ri majun b’anow k’ax chik ri’ pa le 2018 are pa Tz’oloja’ ruk’ 16, e pa Chinab’jul ruk’ 15, pa K’iche’ xuquje’ ruk’ 15, pa Xe’laju’ xuquje’ San Marcos ri e k’o 12 uq’ab’ taq tinamit ri’, xuquje’ ruk’ 9, Chimaltenango xuquje’ Suchitepéquez ri’.