Xjach kpwaqil ri kachalal ri ajchajinelab’ e kaminaq chik pa taq le kchak patan ri’

198

 

Are wa’ jun chi ke uwach uchak upatan ri Ministro rech Gobernción, Enrique Antonio Degenhart Asturias che ri utaqom ub’anik kumal reqa’lenelab’ ri Wokajil Ajchajil Tinamit ri’ (PNC) rech pa amaq’el kuk’ chi kijujunal ri e are ri’ xuquje’ rech uwa’lijsaxik kanima’ ri e ajchajil tinamit ri’ pa le Subdirección General rech Ajchak ri’, eri pwaq tob’anik ri’ are xjach chi ke ri kachalal e 19 e ajchajil tinamit che ri xekamik aretaq ketajin pa chak patan ri’, eri jun pwaqil ri’ are rech jun kub’sib’al k’u’x chi ke pa kipuqil ri’ che ri kutoj ri wokajilal chi ke ri’.

Eri K’amal b’e rech  ri PNC, Erwin Tzi Juárez, xub’ij che are wa’ jun nimq’ijol che ri rumal are ajilonel rech jun tojb’al ri’ kab’an chi ke ri kachalal ri e ajchajil tinamit e kaminaq chi b’i pa le kchak patan ri’, are wa’ xuya’o nim kq’ij ri’.

Xub’ij chik, “Are wa’ jun eqa’lenemtzij rech ri wokajilal, ri kub’an ri’ rech ke’uya’ pa utzilem ri kachalal ri e ajchajinelab’ nim kq’ij e kaminaq chik”, xuquje’, “Are wa’ jun loq’ b’anow xub’an ri Ministerio rech Gobernación, pa le uchak patan ri PNC, ruk’ wa’ kuk’utu ri nim tob’anik kuya’ chi ke ri kachalal ri e ajchajinelab’ nim kq’ij e kaminaq chik pa le ub’anik utzilem pa we amaq’ ri’.

Rumal ri’ xqaj uchuq’ab’il ri b’anow k’ax kamisanik

Rumal ri’ eri Subdirector General rech Ajchak, Víctor Manuel Chocoj, xuna’tisaj ub’ixik che ri kchak patan ri eqa’lenel e ajchajil tinamit ri’, che ri xekam b’i pa le chak patan are rech xkaj xkib’an utz che we amaq’ ri’.

“Eri b’anow k’ax ri’ are xqaj uchuq’ab’ ri’, maltyox b’a’ che ri ya’olchajinik xkib’an kanoq ri e loq’ taq eqa’lenelab’ che ri e kaminaq chik”, xcha’ ri Chocoj.

Xuquje’ eri’ K’amal b’e, xuquje’ ri K’amal b’e kech Ajchak, xetatb’en ri’ jeri’ ri Secretario Técnico rech ri Subdirección General rech e Ajchak, ri Subcomisario Pedro Giovanni Yac, ri Taqanel rech ri Departamento rech Asistencia rech Personal, Oficial Marco Vinicio Castillo xuquje’ ri rajtaqo’n rech Seguros rech ri Crédito Hipotecario Nacional (CHN) ri’.