Xjach ri torb’al ja rech ri tinamit che ri Nimak’amal b’e pa Chiquimula

415

Nab’e k’ut rech xmajtaj ri riqb’al ib’ ri’ eri Consejo Regional rech Desarrollo Urbano e Rural ri’ eri Nimak’amal b’e rech Amaq’il ri’ xya’taj pa uq’ab’ ri’ ri Utorb’alil ri Tinamit ri’, are xya’ pa uq’ab’ rumal ri Rolando Aquino ajkalte rech Chiquimula chi kuwach ri uwinaq utinamit ri’.

We kamik ri’ aretaq eri Aquino aretaq xuya’ ri torb’al pa uq’ab’ ri’ xuya’ ub’ixik che ri loq’ ropanik chi’ ri Nimak’amal b’e rech Amaq’il Iximulew ri’, Jimmy Morales aretaq xopan we q’ij ri’ pa le Tinamit rech Chiquimula rech xopan che ujachik eqa’nib’al chakub’al rech chak patan chi ke ri e ajkalte’ib’ tinamit ri’ pa we amaq’ ri’ xuquje’ rech utz’aqatisaxik ri b’anow chakunik rech ri k’iyemal pa juntir pa taq juyub’ tinamit ri’.

Rumal ri’ eri Nimak’amal b’e Amaq’ ri’ xumaltyoxj che xjach jun retal na’tib’al eqale’mnik ri’ xuquje’ xub’ij che katajin uya’ik uchuq’ab’ ri cholchak rech b’anow tijonik ri’, ruk’ wa’ k’o kalb’al k’u’x xjach chi ke ri e ajtijonel ruk’ kiwujil rech tijonik ri’, ri qas utz pa ub’anikil taq xuquje’ ri paqal ta rajil ri’ xuquje’ pa le utzkuwach ri’ ya’talil pa jun 90 por ciente ri jastaq chokonsab’al pa taq ja rech kununib’al winaq ri’.

Eri PNC pa amaq’el katajin kichotajik kuwach ri’
Pa tzijol xkib’an chi kijujunal ri Ministros ri’, eri Nimak’amal b’e Amaq’ xub’ij eri Wokajil Ajchajil Tinamit are wa’ jun wokajil che ri tajin kakowin kucha’ rib’ pa amaq’el ri’ xuquje’ are wa’ kub’ij che ri wokajil ri’ k’o utzil katajin kuchomaj ri’ xuquje’ pa le uya’ik chajinik chi ke ri winaqil e aj iximulew ri’.

COMPARTIR